OSBE refuzon të mbajë Referendumin e Serbisë në Kosovë – “s’u pajtuan të gjitha palët”

Në një deklaratë zyrtare të Misionit për Siguri dhe Bashkëpunim në Evropë (OSBE) thuhet se ky mision nuk i ka marrë materialet zgjedhore dhe fletvotimet për Referendum të Serbisë brenda territorit të Kosovës për arsye se nuk ka konsensus politik brenda të gjitha partive kosovare për lejimin e mbajtjes së këtij votimi.

“Misioni i OSBE-së në Kosovë po i përcjell për së afërmi zhvillimet në lidhje me referendumin e Serbisë. OSBE ishte e gatshme t’i mbledhte fletëvotimet në pajtim me precedentët e kaluar dhe me pajtimin e të gjitha institucioneve relevante, dhe ka ofruar një gjë tillë”, transmeton Euronews Serbia.

Por siç thonë ata, në mënyrë që të ishte realizuar një gjë e tillë “nevojitet pajtimi i të gjitha partive politike në Kosovë”.

“Në mungesë të pajtimit, nuk është e mundshme që misioni i OSBE-së të kryejnë një operacion të kësaj madhësie, e cila do të duhej të mbështeste standardet zgjedhore të profesionalizmit më të lartë”.

“Për më tepër, në kohën e pandemisë, planifikimi dhe zbatimi i një operacioni të tillë kërkon kohë shtesë për të garantuar sigurinë e stafit zgjedhor dhe votuesve. Në mungesë të pëlqimit të nevojshëm, siç u bë e qartë në deklaratat e mëparshme, tregoi se është e mundur që Misioni të kryejë një operacion të tillë me këtë rast”, thuhet në deklaratë.

Madje thuhet edhe se shefi i këtij misioni, Michael Davenport ia ka treguar këtë gjë Petar Petkoviçit, pasi ky i fundit tha se “Davenport as që është përgjigjur në telefon se pse s’ka dalur ti pret fletëvotimet në Merdare”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.