![](https://albanianpost.com/wp-content/uploads/2024/01/fsk.jpg)
Katër organizata joqeveritare kanë kërkuar nga ministria e Financave, Punës dhe Transfereve dhe nga Agjencia për Privatësi dhe Informacion që në pajtim me obligimet që dalin nga legjislacioni i aplikueshëm, të hapin të dhënat që kanë të bëjnë me Fondin e Sigurisë.
Kërkesën këto organizata e kanë bërë përmes një komunikate të përbashkët.
“Hapja e paautorizuar e këtyre të dhënave, veçanërisht shumës së tërësishme të mbledhur dhe numrin e kontribuuesve, do të mund t’i dëmtonte interesat e sigurisë së Republikës së Kosovës, në rrafshin rajonal dhe më gjerë” është arsyetim abstrakt, i cili nuk mbështetet në fakte”.
“Interpretimi kaq i gjerë i cenimit të “sigurisë rajonale dhe më gjerë” përmes informatave në lidhje me shumën e mbledhur nga një fond vullnetar, është qartazi i pabazuar”.
Sipas tyre, ndarjet buxhetore për buxhetin e Kosovës, ofrojnë të dhëna të detajuara mbi buxhetin e tërësishëm për Forcën e Sigurisë së Kosovës.
“Për më tepër, një deklarim i tillë, është edhe paradoksal meqenëse të gjitha ligjet për Ndarjet Buxhetore për Buxhetin e Republikës së Kosovës ofrojnë të dhëna të detajuara mbi buxhetin e tërësishëm për Forcën e Sigurisë së Kosovës. Kështu, është paradoksale që buxheti bazë i Forcës së Sigurisë së Kosovës të jetë i publikuar në detaje derisa shumë e një fondi vullnetar të jetë konfidenciale”, thuhet në komunikatë.
Sa i përket “sigurisë kombëtare”, në komunikatë thuhet se jurisprudenca e Gjykatës Evropiane për të Drejtat e Njeriut e aplikuar në Kosovë sipas nenit 53 të Kushtetutës ka përcaktuar se përkundër faktit se nocioni i sigurisë kombëtare nuk mund të përkufizohet në mënyrë gjithëpërfshirëse dhe ka një dimension të gjerë vlerësimi, kufijtë e këtij kuptimi nuk mund të shtrihen përtej kuptimit të saj natyror.
Kërkesa që të themelohet Fondi i Sigurisë në Kosovë, është bërë që nga viti 2009, atëherë kur Trupat Mbrojtës të Kosovës (TMK) zyrtarisht u shpërbën në Forca të Sigurisë së Kosovës (FSK).
Që prej vitit 2018, FSK-ja është në proces të transformimit në ushtri. Ky proces është thënë se do të zgjasë dhjetë vjet.
Fondi i Sigurisë, përpjekja e dëshpëruar e qeverisë për të bërë diçka
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet