ONM i paraqet prova shtesë Komisionerit për Elisabeta Imerajn

Operacioni Ndërkombëtar i Monitorimit (ONM), të martën e 29 qershorit, u ka paraqitur komisionerëve Publikë, rekomandimin për të ankimuar vendimin në Kolegjin e Posaçëm të Apelimit, për të tria kriteret e rivlerësimit.

Sipas njoftimit, komisionerët Publikë janë duke shqyrtuar vendimin e Komisionit të Pavarur të Kualifikimit dhe Rekomandimin e Operacionit Ndërkombëtar të Monitorimit, të plotësuar në përmbajtjen e tij.

Kërkohet shkarkimi i kryeprokurores së Tiranës

Operacioni Ndërkombëtar i Monitorimit (ONM) ka ankimuar vendimin e Komisionit të Pavarur të Kualifikimit (KLP), për hedhjen poshtë të akuzave të ngritura nga përfaqësuesi i tyre, Theo Jacobs, ndaj prokurores së Tiranës, Elisabeta Imeraj.

Kërkesa është dorëzuar në Kolegjin e Posaçëm të Apelit (KPA). Gjithashtu ata kanë ankimuar konfirmimin në detyrë të prokurores.

“Operacioni Ndërkombëtar i Monitorimit u ka paraqitur komisionerëve Publikë rekomandimin për të ankimuar vendimin në Kolegjin e Posaçëm të Apelimit, për të tria kriteret e rivlerësimit”, shkruhet në njofitmin e KPA-së.

KPK konfirmon në detyrë Elisabeta Imerajn

Komisioni i Pavarur i Kualifikimit ka shpallur më datë 1 prill, vendimin për drejtuesen e Prokurorisë së Tiranës, Elisabeta Imerajn, duke hedhur poshtë akuzat e përfaqësuesit të ONM-së, Theo Jacob, ndaj kryetares së Prokurorisë së Tiranës, Elizabeta Imeraj.

Më herët Jaboc, gjatë një seance dëgjimore ndaj Imerajt, e akuzoi atë për “ndikim të paligjshëm në procesin e rivlerësimit”. Gjithashtu, ai në seancë u shpreh se kolegu i tij, tashmë i larguar nga ONM-ja, ishte përndjekur nga Imeraj.

Drejtuesja Elisabeta Imeraj doli një javë më parë para institucioneve të vetting-ut për vlerësimin e figurës.

Më herët, Këshilli i Lartë i Prokurorisë kreu vlerësimin etik dhe profesional të prokurores.

KLP votoi në mënyrë unanime lejimin e drejtueses së Prokurorisë, për ngjitjen në karrierë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.