![](https://albanianpost.com/wp-content/uploads/2021/12/AP21349745720655-scaled.jpg)
Qeveria e Izraelit, të hënën e 20 dhjetorit, ka ndaluar udhëtimet në dhjetë vende të reja, duke përfshirë Shtetet e Bashkuara, Kanadanë dhe Gjermaninë, pasi numri i përgjithshëm i rasteve me Omicron në vend arriti në 175.
Kabineti i Izraelit zgjeroi listën e të ashtuquajturave “vendet e kuqe”, ku përfshiu SHBA-të, Kanadanë, Italinë, Gjermaninë, Belgjikën, Hungarinë, Marokun, Portugalinë, Turqinë dhe Zvicrën. Kjo masë do të hyjë në fuqi të martën në mesnatë.
Udhëtimi drejt dhe nga të ashtuquajturat “vendet e kuqe” është shprehimisht i ndaluar, përveç nëse jepet leja nga një komitet i posaçëm. Ata që kthehen nga vendet e listës së zezë duhet të hyjnë në një karantinë shtatë-ditore.
Të dielën, 10% e udhëtarëve që fluturuan nga Miami, rezultuan pozitiv me COVID-19 – shumica e 17 rasteve të dyshuara ishin të infektuar me variantin Omicron.
Vlerësimet e paraqitura nga Ministria e Shëndetësisë së Izraelit të shtunën parashikuan që numri i rasteve të Omicron në Izrael do të arrijë në 400 deri në 600 gjatë javës së ardhshme – në dritën e numrit të rasteve që nuk mund të gjurmohen te njerëzit që udhëtuan jashtë vendit.
Nga ana tjetër, sipas një eksperti të sëmundjeve infektive në SHBA, Dr. Anthony Fauci udhëtimi i Krishtlindjeve do të rrisë përhapjen e variantit Omicron.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Parisi i dhuron botës ceremoninë më madhështore në historinë e Lojërave Olimpike
-
Ethet Oropuche, dy vdekjet e para në botë regjistrohen në Brazil
-
Kina dhe Rusia organizojnë patrullën e parë të përbashkët bombarduese pranë Alaskës
-
Tre anëtarë të dyshuar të IS në Belgjikë akuzohen për planifikimin e një sulmi terrorist