Oleksandr Usyk i hapur të kthehet në kategorinë deri në 90kg për t’u ndeshur me Canelo Alvarez

Oleksandr Usyk ka pranuar që të garoj përsëri në peshën deri 90 kilogramë, për t’u përballur me Canelo Alvarez.

Mirëpo, ai këtë do ta bëj vetëm nëse tituj e peshave të rënda i mbesin ende në fuqi.

Usyk fitoi katër tituj të peshave të rënda në shtator pasi e mposhti Anthony Joshua-n në Londër.

Joshua e ka shfrytëzuar të drejtën për të thirrur ndeshjen tjetër pas humbjes, me një luftë të dytë mes garuesve që me shumë mundësi do të zhvillohet në pranverë – edhe pse ritakimi ende nuk është bërë zyrtar.

Zëra për një luftë mes ish-kampionit të padiskutueshëm Usyk, dhe Alvarez kanë ardhur pasi meksikani zyrtarizoi ngjitjen e tij në peshat deri 90 kg.

Alvarez pritet që të ndeshet me kampionin e WBC, Ilunga Makabu.

Usyk tha se “po, mund të ndeshem me të deri në peshat 90kg”, për ndeshjen me Alvarez, por ai ka vetëm një kusht, “t’i mbajë titujt në peshat e rënda”.

“Atëherë shkoj të ndeshem me të dhe pastaj do të kthehem në peshat e rënda”.

Usyk ishte kampion i padiskutueshëm i peshave deri 90kg në vitin 2018 – ai e mbrojti këtë titull njëherë, para se të ngjitej në peshat e rënda vitin tjetër.

Ukrainasit iu deshën vetëm dy ndeshje në peshën e tij të re që të siguronte ndeshjen me Joshua-n – të cilin arriti ta mposhtë duke siguruar titujt vetëm në luftën e tij të tretë.

Alvarez u bë i pari kampion i padiskutueshëm i peshave ‘super’ të mesme muajin që shkoi, kur shtoi ripin e fundit në koleksion duke mposhtur Caleb Plant-in.

31-vjeçari është i pamposhtur në 16 luftat e tij të fundit.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.