Kombet e Bashkuara kanë bërë të martën e 11 janarit “apelin më të madh” për ndihmë humanitare për Afganistanin.
Ata thonë se kanë nevojë për më shumë se 5 miliardë dollarë, për t’i ndihmuar njerëzit brenda dhe refugjatët jashtë këtij vendi.
Shefi i ndihmës i OKB-së, Martin Griffiths, ka thënë se ky është apeli më i madh i bërë ndonjëherë për një vend të vetëm për ndihmë humanitare.
“Është trefishi i sasisë së nevojshme dhe të mbledhura në fakt nga fondet në vitin 2021″, u tha gazetarëve në Gjenevë.
Ku nevojitet ndihma?
Sipas OKB-së, 22 milionë banorë brenda Afganistanit dhe 5.7 milionë të tjerë në vendet fqinje kanë nevojë për ndihmë jetike këtë vit.
“Na ndihmoni të rritemi dhe të shmangim urinë, sëmundjet, kequshqyerjen dhe vdekjen e përhapur”, u lut Griffiths.
Nga ana tjetër, komisioneri i Lartë i OKB-së për Refugjatët, Filippo Grandi, i kujtoi komunitetit ndërkombëtar “se kjo krizë ka një dimension rajonal”.
Ai kërkoi 623 milionë dollarë të tjera për të mbështetur refugjatët dhe komunitetet pritëse në vendet fqinje.
OKB vlerëson se 4.7 milionë njerëz do të vuajnë nga kequshqyerja në vitin 2022, duke përfshirë 1.1 milionë fëmijë me kequshqyerje të rëndë akute.
Kur talebanët morën pushtetin në Afganistan në mes të gushtit 2021, ndihma nga të huajt u ndal dhe asetet jashtë shtetit të vendit u ngrinë, duke e çuar ekonominë e brishtë në rënie të lirë.
Afganistani, gjithashtu, pësoi thatësirën më të keqe në dekada në 2021.
Në vend të kësaj, OKB planifikon të shpërndajë paratë për 160 organizata joqeveritare, plus agjencitë e OKB-së që ofrojnë ndihma.
Ata do ta përdorin atë për të ofruar mbështetje: ushqimore, bujqësore, shërbime shëndetësore, ushqim, strehim emergjent, ujë dhe kanalizime, mbrojtje dhe edukim emergjent.
OKB-ja paralajmëroi se, nëse nuk arrin të mbledhë para të mjaftueshme këtë vit, do të duhet të kërkojë 10 miliardë dollarë vitin e ardhshëm për të trajtuar krizën.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
