Dje u raportua që Manchester United dhe Jadon Sancho kanë arritur marrëveshjen personale.
Gjithçka çfarë ka mbetur është të arrihet marrëveshja mes dy klubeve.
Dhe, Manchester United ka bërë progres në këtë aspekt.
Kështu raporton Daily Mail, që thotë se United tashmë ka dërguar ofertën e dytë në drejtim të Dortmund-it.
Oferta e parë prej 77 milionë eurosh u refuzua.
Dortmund kërkon diku rreth 90 milionë për të arritur në një pajtim të plotë.
Tashmë, United ka ofruar 87 milionë euro për Sancho-n, ofertë për të cilën Dortmund-i nuk ka kthyer ende përgjigje.
Transferimi pritet të kompletohet pas përfundimit të EURO 2020.
Sancho do të kthehet përsëri në Manchester, por këtë radhë jo te City, por te rivalët e United.
Transferimi i Sancho-s për United-in do të thotë që futbollist si Daniel James dhe Anthony Martial mund të mendojnë largimin.
Një ndër talentet më të mëdhenj anglez, më në fund po kthehet në ishull.
/Albanianpost.com
