![](https://albanianpost.com/wp-content/uploads/2022/09/muhamet-rrumbullaku-1-1068x604-1.jpg)
Drejtori i Përgjithshëm i Policisë së Shtetit në Republikën e Shqipërisë, Muhamet Rrumbullaku, priti sot më 17 shtator në një takim prezantues oficerët ndërlidhës dhe përfaqësuesit e misioneve dhe programeve që asistojnë Policinë e Shtetit për përmbushjen e detyrave funksionale të saj.
Nga aty, ai njoftoi se brenda pak ditëve, në Policinë e Shtetit do të konstituohen këshillat e shqyrtimit të propozimeve për emërimin në detyrë dhe ecurinë në karrierë të çdo punonjësi policie.
Sipas tij, kjo praktikë do t’i japë fund vendimmarrjes së deritanishme që ishte atribut vetëm i Drejtorit të Përgjithshëm, për të emëruar punonjës të Policisë në detyrë në të gjitha nivelet.
Ai theksoi se prioritet i tij nuk është ndryshimi i emrave në krye të strukturave qendrore e vendore, por ndryshimi i filozofisë dhe i metodologjisë së punës dhe për të arritur këtë duhen domosdoshmërish reforma ligjore, strukturore dhe arsimore.
“Nevojitet analizimi i rasteve dhe nxjerrja e përgjegjësive të drejtuesve në të gjitha nivelet e strukturave ku punonjës policie janë të përfshirë drejtpërdrejt në paligjshmëri, veprimtari kriminale dhe favorizim”, tha Rrumbullaku.
Drejtori ravijëzoi se është i domosdoshëm krijimi i një lidhjeje të qëndrueshme të strukturave me terrenin dhe me problematikat që hasin qytetarët, për të eliminuar tërësisht kulturën e zyrës dhe të “papërgjegjshmërisë së drejtuesve në të gjitha nivelet e drejtimit të organizatës”.
Një objektiv tjetër i Rrumbullakut mbetet transformimi i Akademisë së Sigurisë.
Pasi kjo, për të, do të ndikojë në rritjen e besimit dhe bashkëpunimit me qytetarët e me partnerët, si dhe në rritjen e rezultateve të punës në interes të rritjes së parametrave të sigurisë për jetën dhe pronën e qytetarëve, si dhe për goditjen më me efikasitet të fenomeneve kriminale globale.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Fredi Beleri kërkoi pezullim të dekretit të Begajt për zgjedhjet, çështja kalon në seancë gjyqësore
-
Përleshja me armë në Thumanë, 4 të arrestuar
-
Balla pret Wisner: SHBA, mbështetje Shqipërisë në sfidat e sigurisë publike
-
Shqipëri-Rumani dakordësi në forcimin e luftës kundër krimit të organizuar dhe migracionit të paligjshëm
Lajmet kryesore
-
Ndryshimet në Kodin Zgjedhor, OSBE: Shpresojmë që të respektohen kuotat gjinore
-
Balla pret Wisner: SHBA, mbështetje Shqipërisë në sfidat e sigurisë publike
-
Mburoja kundër dronëve dhe metali i shkrirë: Një udhëtim në fabrikën e çelikut të Stalinit që armatos ushtrinë ukrainase
-
Komplikimet politike pas zgjedhjeve në Luginë dhe përfshirja e Kurtit për koalicion “shqiptar”