Barcelona ka fituar ndeshjen me rezultat të thellë ndaj Real Betisit në gjiron e 32-të në La Liga, duke mos lejuar kështu ndonjë befasi.
Blaugranasit kanë fituar me rezultat 4:0. Që nga fillimi ndeshja u dominua nga vendasit.
Serinë e golave e hapi mbrojtësi danez Andreas Christensen, pas asistimit të sulmuesit brazilian Raphinha.
Gjërat u përkeqësuan më shumë për Betisin kur mesfushori i tyre, Edgar Gonzalez, në minutën e 33-të u ndëshkua me kartonin e dytë të verdhë, duke lënë kështu fushën e lojës dhe ekipin e tij në vështirësisë.
Pas kartonit të kuq për Barcelonën u lehtësuan gjërat dhe fitoren e kishte në duar.
Në minutën e 36-të, qendërsulmuesi polak nga radhët e Barcelonës, Robert Leëandowski, shënoi golin e dytë, dhe pas tre minutave vie edhe goli i tretë për blaugranasit nga braziliani Raphinha.
Kështu përfundoi pjesa e parë e takimit.
Ndërsa, në pjesën e dytë, pasi që e kishin epërsinë, lojtarët e ekipit katalunas nuk ishin të interesuar edhe aq shumë për të shënuar më.
Në pjesën e dytë Barcelona shënoi vetëm një gol. Goli në fakt ishte autogol, pasi që mesfushori argjentinas në radhët e Betisit, Guido Rodriguez, shënoi në portën e tij.
Me këtë fitore Barcelona vazhdon sigurt rrugën drejt titullit kampion në La Liga.
Me këtë fitore ata kanë arritur plotë 79 pikë, duke iu larguar vendit të dytë që e mban rivali i tyre, Real Madridi, për 11 pikë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com