Në Shqipëri, shkalla e punësimit ka rënë në 10.7 për qind në tremujorin e dytë të vitit 2023.
Një rënie me 0.4 pikë përqindjeje në krahasim me të njëjtën periudhë të një viti më parë.
Sipas Institutit të Statistikave (INSTAT), shkalla e punësimit për personat e moshës 15 deri në 64 vjeç u rrit në 67,4 për qind për atë periudhë kohore.
Një rritje kjo, me 2,7 pikë përqindjeje më shumë se periudha e një viti më parë.
Në periudhën prill-qershor, shkalla e papunësisë te meshkujt ishte 11 për qind, ndërsa te femrat 10.4 për qind.
Shkalla e papunësisë, gjatë tremujorit të dytë, te personat e moshës 15 deri në 29 vjeç u rrit në 22,3 për qind.
2,1 pikë përqindjeje nga e njëjta periudhë e vitit 2022.
Sipas të dhënave zyrtare në tremujorin e dytë të vitit, numri i të rinjve të punësuar në moshën 15-29 vjeç ishte rreth 12,400 më i ulët se periudha përkatëse e një viti më parë, me rënie 4.6%.
Rritje shënoi edhe treguesi i papunësisë, kur për prill-qershor 2023 ishin 5 mijë e 733 të rinj të papunë më shumë se në tremujorin e dytë 2022, me një rritje vjetore 8%.
Shifrat zyrtare mbi punësimin e të rinjve, veç dobësive në tregun e punës, tregojnë për tranzicionin demografik që po kalojnë, me ritmet e larta të emigracionit dhe rënien e lindjeve.
Statistikat zyrtare tregojnë se në tremujorin e dytë 2023, numri i të punësuarve 15 vjeç e lart ishte 53 mijë e 454 persona më shumë se para pandemisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
