Nora Kursani-Demjaha është emëruar u.d. kryeinspektore e Inspektoratit Shëndetësor.
Lajmin për Albanian Post e ka konfirmuar vetë ajo.
“Po mund ta konfirmoj që jam emëruar u.d.kryeinspektore e shëndetësisë”, tha ajo shkurt për AP.
Emerimi i saj në këtë pozitë vjen pas lirimit nga detyra të Shaban Osmanajt.
Pas ngjarjes që ka ndodhur në Spitalin e Përgjithshëm të Pejës ku një foshnjë e porsalindur pa shenja jetë është futur bashkë me çarçafë në një lavatriçe, Ministria e Shëndetësisë, përmes një komunikate për media ka bërë të ditur të enjten se është shkarkuar kryeinspektor i Inspektoratit Shëndetësor, Shaban Osmanaj.
Nga Ministria është thënë se ky vendim është marrë pas mbledhjes së të gjitha informacioneve.
“Sot pas shqyrtimit të të gjitha të dhënave dhe detajeve të rastit të rëndë të ndodhur në Spitalin e Përgjithshëm të Pejës është liruar nga detyra u. d. kryeinspektorit të Inspektoratit Shëndetësor, z. Shaban Osmanaj”, është thënë në njoftimin e MSH-së.
“Në këtë rast ka dështuar zbatimi i detyrave dhe misionit. Konkretisht ka munguar komunikimi, informimi i drejtë dhe mbi të gjitha adresimi në kohë i rastit nga ana e Inspektoriatit Shëndetësor”.
Për mospërmbushjen e detyrave në mënyrën e duhur ministria ka shprehur keqardhje.
“Duke shprehur sinqerisht keqardhjen më të thellë për familjarët dhe të afërmit që janë ballafaquar me këtë ngjarje tepër të rëndë, ripërsërisim se etika dhe mbrojtja e dinjitetit njerëzor për pacientët e qytetarët në përgjithësi duhet të garandatohet në çdo rrethanë nga institucionet shëndetësore”.
“Kush nuk mbërrin ta përmbushë këtë, nuk mund të vijojë të mbajë pozita menaxheriale”.
MSH ka kërkuar angazhimin e Prokurorisë dhe Policisë që ky rast të zbardhet.
Për rastin e foshnjës së porsalindur e cila ishte futur pa shenja jete bashkë me çarçafë në një lavatriçe ishin njoftuar edhe Ministria e Shëndetësisë dhe Shërbimi Spitalor Klinik dhe Universitar i Kosovës.
Pas rastit të foshnjës në Pejë, MSH-ja shkarkon nga detyra u.d. e kryeinspektorit shëndetësor
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vidovdani kalon pa incidente, një person u arrestua nga policia
-
Ndalimi i festivalit “Mirdita, dobar dan”, MPJ: Vërteton se Serbia është kundër çdo lloj dialogu me Kosovën
-
Esktradimi i Radojiçiç-it në Kosovë, Selimi: Kusht ironik, Kushtetuta e Serbisë ndalon ekstradimin
-
Dëshmitari i 75-të në Speciale të hënën deklarohet në seancë të hapur
Lajmet kryesore
-
Sondazhi: VV dhe Guxo 41%, PDK 19.6, LDK 19.2 dhe AAK-Nisma 6%
-
Bardhi tha se kallëzoi Olsi Ramën në SPAK, kryeministri: Nuk ka pasur asnjë kallëzim
-
Refuzimi i Mickoksi-t për t’i miratuar ndryshimet kushtetuese: Për këtë arsye e zgjodhi “VLEN”-in dhe jo “Frontin Evropian”
-
Gjyqtarët s’ishin të ndarë, ashtu siç tha Kurti: 8 me 1 ishte raporti i votave për shumicën e neneve të rrëzuara të Ligjit për Byronë
