Alexander Nubel, kaloi nga Schalke 04 te Bayern Munich-u në verën e 2020. Por, eksperienca në Mynih nuk ishte ajo që priste 25-vjeçari.
Ish-lojtari i Paderborn-it u transferua si një talent premtues, por shumë shpejt e humbi rivalitetin me Manuel Neuer-in. Pothuajse i gjithë sezoni me bavarezët i shkoi duke i parë ndeshjet nga stoli.
Aktualisht, Nubel është dërguar në huazim dy-vjeçar te francezët e Monaco-s, ku po merr minuta. Këtë sezon është paraqitur në 20 ndeshje në të gjitha kompeticionet, duke qenë titullar i padiskutueshëm.
Gjermani duket i kënaqur në Francë, duke qenë se është zgjedhja e parë në portën e skuadrës nga principata.
“Unë luaj dy herë në javë në nivel të lartë”, the Nubel, duke shtuar se “Ky ishte qëllimi im. Ndryshimi ishte vendimi i duhur”.
Edhe pse ka qenë titullar në 13 ndeshjet e para në Ligue 1, Nubel e pranon se nuk është në nivelin e duhur.
“Nuk jam akoma aty ku dua të jem. Statistikat mund të ishin më të mira, por nuk jam i pakënaqur”, theksoi gjermani.
Gjithashtu ai shtoi se nuk dëshiron një rikthim të shpejtë te Bayern-i, nëse nuk arrin të marrë minutat e duhura. Po ashtu, ai vlerëson periudhën një-vjeçare që kaloi me kampionët e gjermanisë.
“Ishte një thikë me dy tehe. Pak paraqitje, por pak përparim për mua si lojtar. Nuk mendoj se ishte një vit i humbur”, tha Nubel-i për “Kicker”.
25-vjeçari në 20 paraqitjet e këtij sezoni, ka pësuar 21 gola dhe në pesë ndeshje e ka mbajtur portën të paprekur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Begaj takon Tajanin, theksojnë partneritetin strategjik dhe vlerat ndërkombëtare që ndajnë
-
Raportimi i Kathimerini hedh hije dyshimi mbi vizitën e Ramës në Athinë
-
Turqia zyrtarizon ndalimin e tregtisë me Izraelin
-
Sondazhi i PIPOS zbulon se rreth 70 për qind e shqiptarëve do të votojnë për “Frontin Evropian” në zgjedhjet e 8 majit