Një ushtar irlandez vritet në misionin paqeruajtës të OKB-së në Liban

Në një mision paqeruajtës të OKB-së në Liban është vrarë një ushtar irlandez të mërkurën e 14 dhjetorit.

Referuar forcave mbrojtëse të Irlandës, ai u vra kur një kolonë me dy automjete të blinduara që udhëtonin për në Bejrut u vu nën zjarr me armë.

Po ashtu një tjetër anëtar irlandez i forcave të përkohshme të Kombeve të Bashkuara në Liban (Unifil) është në gjendje të rëndë pasi i është nënshtruar një operacioni pas incidentit.

Kurse dy ushtarë të tjerë po trajtohen për lëndime të lehta, teksa katër të tjerë nga personeli i mbetur nga kolona nuk janë lënduar.

Ministri irlandez i mbrojtjes, Simon Coveney, i cili ndodhet në New York për një takim të Këshillit të Sigurimit të OKB-së, ka thënë se do të takohet me Sekretarin e Përgjithshëm të OKB-së, António Guterres, këtë të enjte mbi incidentin.

“Si popull, ne jemi shumë krenarë për të dhënat tona të pandërprera të paqeruajtjes me Kombet e Bashkuara. Megjithatë, nuk duhet të harrojmë kurrë rreziqet që vijnë pas”, ka thënë presidenti irlandez, Michael D Higgins.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.