Një tjetër mjek…
Të gjithë do të donim që vazhdimi i kësaj fjalie të mos jepte më një lajm të trishtë.
Mjekun, njeriun që shpëton jetë, virusi ka mundur t’i marrë jetë. Në disa raste me forcë e në disa të tjera heshturazi, ai ka marrë shpëtimtarët tanë.
Teksa sheh titujt që japin lajmin e një tjetër mjeku që ndal së frymuari, rrëqethesh dhe belbëzon “Përsëri?”. Të kujtohen humbjet që kanë ndodhur më parë dhe pezmatohesh se nuk është fundi që duhej për ta.
Covid-i deshi që në radhën e shpëtimtarëve të ikur të jetë edhe doktor Gerond Husi. I infektuar prej disa ditëve nga virusi jetëmarrës, doktor Gerondi duhej të shkonte në Turqi për shkak se gjendja e tij shëndetësore ishte e rënduar.
Lajmin e trishtë e dha mjeku Tritan Kalo, i cili e ka quajtur ngjarjen të pabesueshme, por dhembshurisht të vërtetë.
I pabesueshëm ishte edhe lajmi i trishtë për mjekun Petro Shano. Më parë, doktor Petro ka mbajtur detyrën e shefit të Infektivit. Për ironi, pas disa ditësh përballje me virusin, Infektivi u kthye në vendin e largimit të tij nga jeta.
A ju kujtohet doktor Drini?
Emrin e tij tanimë po e mban gjallë Shërbimi i Neurologjisë në Qendrën Spitalore Universitare “Nënë Tereza”.
Edhe vetë dhjetori do jetë dridhur nga ikja e tij. Drini Dobi po kurohej në një spital në Itali ku dhe virusi i mori jetën.
“Drini ishte i rrjedhshëm si Drini, në mirësinë e tij. Drini ishte i rrjedhshëm si Drini, në profesionin e tij”, janë shprehur kolegët e Universitetit të Mjekësisë mes kujtimesh të lëna prej tij.
Rrjedha mori edhe një tjetër mjek, Mihal Kërcin. Ai ishte njëkohësisht edhe kryetar i Shoqërisë Anestezi – Terapi Intensive dhe u kujtua nga miqtë e tij si një njeri që arrinte të shkrinte bashkë shkencën dhe pasionin duke iu përçuar brezave që vijnë dashurinë për profesionin e mjekut.
Edhe shumë të tjerë e deshën këtë profesion, por pandemia nuk deshi…
Anibal Byberi, mjek i përgjithshëm, Bajram Curri
Astrit Hzairi, mjek i përgjithshëm, Kukës
Arjan Pushi, mjek hematolog, Tiranë
Agron Menzelxhiu, kirurg, Elbasan
Memo Boçi, epidemiolog, Tiranë
Hysni Shkjau, mjek familje, Pukë
Vilson Topulli, epidemiolog, Tiranë
Zyliha Kraja, kirurge, Shkodër
Esat Pashaj, mjek i përgjithshëm, Skrapar
Muharrem Xhepexhiu, mjek familjeje, Lushnjë
Sefer Dervishi, mjek familjeje, Kavajë
Ilirjan Draçi, mjek i përgjithshëm, Tiranë
Hidajet Deda, pediatër, Kavajë
Eduart Dhamo, mjek i përgjithshëm,Lushnjë
Sefer Dervishi, mjek i përgjithshëm, Kavajë
Shaqir Shehu, kirurg, Kukës
Ibrahim Kaziu, pneumolog, Dibër
Ferdinand Shkrepa, okulist, Elbasan
Bledi Nini, otorinolaringolog, Tiranë
Myftar Zemani, mjek familjeje, Fier
Leonard Kamberi, gjinekolog, Vlorë
Suela Muça, gjinekologe, Tiranë
Raimonda Lëngu, mjeke familje, Tiranë
Flutura Hashorva, pneumologe, Tiranë
Sali Baco, neuropsikiatër, Elbasan
Hiqmet Musta, radiolog, Kavajë
Aleksandër Hoxha, anestezist
Muharrem Nonaj, otorinolaringolog, Skrapar
Josif Dena, endokrinolog, Berat
Rustem Keko, mjek i përgjithshëm, Përmet
Fatos Zaçe, mjek pediatër, Durrës
Llambro Bala, dermatolog, Vlorë
Gëzim Lamaj, ekografist, Berat
Mehmet Demrozi, radiolog, Kavajë
Kërkoj falje nëse ndër këta emra mungojnë të tjerë!
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
