Një tërmet i fuqishëm është ndjerë në disa pjesë të Afganistanit, Pakistanit dhe Indisë.
Nuk ka pasur raporte të menjëhershme për viktima nga tërmeti i së martës.
Departamenti Meteorologjik i Pakistanit tha se tërmeti ishte me magnitudë 6.8, me epiqendrën në vargun malor Hindu Kush pranë provincës së largët veriore afgane, Badakhshan.
Më vete, Shërbimi Gjeologjik i SHBA (USGS) e vendosi magnitudën pak më të ulët, në 6.5, sipas informacioneve paraprake.
USGS tha se epiqendra ishte 40 kilometra në jug-juglindje të qytetit afgan të Jurm, pranë kufijve me Pakistanin dhe Taxhikistanin.
Raportet fillestare thanë se lëkundjet u ndjenë në kryeqytetin e Afganistanit, Kabul, si dhe në një numër qytetesh pakistaneze, duke përfshirë Islamabadin dhe Lahoren
Pjesë të mëdha të Azisë Jugore janë aktive sizmike sepse një pllakë tektonike e njohur si pllaka indiane po shtyn në veri në pllakën euroaziatike.
Një tërmet me magnitudë 6.1 në lindje të Afganistanit vrau më shumë se 1 mijë njerëz vitin e kaluar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti e di që dëmi i Zajednicës e eklipson çdo përfitim nga anëtarësimi në KiE
-
Azerbajxhani miraton heqjen e vizave me Shqipërinë
-
Osama Hamdane: Ne pranuam marrëveshjen e armëpushimit pa hequr dorë nga vijat tona të kuqe
-
Maqedonci kërkon që KFOR-i të qëndrojë në Kosovë derisa Serbia të demokratizohet