Një sulm kinez ndaj Tajvanit nuk është i pashmangshëm, thotë gjenerali më i lartë amerikan, por SHBA-të po vëzhgojnë “nga afër”.
Kina po zhvillon qartë aftësinë për të sulmuar në një moment, por vendosja për ta bërë këtë do të ishte një zgjedhje politike, tha gjenerali Mark Milley për të përditshmen britanike “BBC”.
Për Kinën Tajvani është një provincë e shkëputur që duhet të ribashkohet me kontinentin, edhe me forcë nëse është e nevojshme.
Ajo ka akuzuar SHBA-të për mbështetjen e pavarësisë së Tajvanit dhe është zotuar se do të “shtyjë me vendosmëri” çdo përpjekje të tillë.
Kohët e fundit ka pasur një përshkallëzim të theksuar midis Kinës dhe SHBA-ve, aleatit më të fuqishëm të Tajvanit.
Kina ka dërguar shumë avionë luftarakë në zonën e mbrojtjes ajrore të Tajvanit, ndërsa SHBA-të kanë dërguar anije detare nëpër ujërat e Tajvanit.
Në maj, presidenti i SHBA-ve, Joe Biden, tha se Kina po “luan me rrezikun” duke fluturuar avionët e saj luftarakë afër Tajvanit. Ai u zotua se do ta mbronte ishullin ushtarakisht nëse sulmohej.
Pekini u kundërpërgjigj duke akuzuar SHBA-të për “shkelje të premtimit të saj ndaj Tajvanit” dhe “ndërhyrje” në punët e Kinës, duke shtuar se vendi “nuk do të hezitonte të luftonte” për të parandaluar Tajvanin të shpallte zyrtarisht pavarësinë.
I pyetur nëse mendonte se Kina do të sulmonte Tajvanin, gjenerali Milley, kryetar i shefave të përbashkët të shtabit të SHBA-ve, i tha “BBC-së” se, “mund, duhet, do, këto janë fjalët kyçe atje”.
“Për sa i përket aftësive, mendoj se Kina qartë po zhvillon një aftësi. Presidenti Xi Jinping ka përmendur se në forume publike, se ai ka sfiduar PLA-në (Ushtria Çlirimtare Popullore e Kinës) për të zhvilluar aftësinë për të sulmuar Tajvanin në një moment”.
“Dhe nëse ata duan apo jo, kjo është një zgjedhje politike, që do të bazohet në atë se si kinezët e shohin përfitimin e rrezikut të kostos në atë kohë”.
“Nuk ka asnjë tregues apo paralajmërim për ndonjë gjë të afërt në këtë kohë. Por përsëri, ne e shikojmë atë shumë, shumë nga afër”, shtoi gjenerali Milley.
SHBA-të nuk kanë lidhje zyrtare diplomatike me Tajvanin, por i shet armë si pjesë e Aktit të Marrëdhënieve me Tajvanin, i cili thotë se SHBA-të duhet t’i sigurojnë ishullit mjetet për t’u mbrojtur.
Në të njëjtën kohë, ajo mban lidhje formale me Kinën dhe gjithashtu pranon diplomatikisht qëndrimin e Kinës se ka vetëm një qeveri kineze.
Kina dhe Tajvani, bazat
Kina dhe Tajvani u ndanë gjatë një lufte civile në vitet 1940, por Pekini këmbëngul se ishulli do të rifitohet në një moment, me forcë nëse është e nevojshme
Ishulli ka kushtetutën e tij, udhëheqës të zgjedhur në mënyrë demokratike dhe rreth 300 mijë trupa aktive në forcat e tij të armatosura.
Vetëm disa vende e njohin Tajvanin. Shumica e njohin qeverinë kineze në Pekin. SHBA-të nuk kanë lidhje zyrtare me Tajvanin, por ka një ligj që i kërkon t’i sigurojë ishullit mjetet për t’u mbrojtur.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Sanduloviç, Hill-it: Të turproheni nga vetja – keni arritur ta rrëzoni vetën dhe Amerikën
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Rikonfirmohet mbështetja e pakusht e Kosovës ndaj Ukrainës kundër agresionit rus
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti kërkon nga Baerbock vazhdimin e mbështetjes së Gjermanisë për anëtarësimin e Kosovës në KiE