Një muaj paraburgim është caktuar ndaj të pandehurit D.Zh i cili akuzohet për veprën “vrasje e rëndë”, si i dyshuar për vrasjen e bashkëshortes së tij në Graçanicë.
Lajmi është bërë i ditur përmes një komunikate dërguar mediave.
Gjykata ka arsyetuar vendimin për caktimin e masës së paraburgimit, duke theksuar se i njëjti nëse ndodhet në liri mund ta pengoj rrjedhën e procedurës penale.
“Ekziston rreziku i arratisjes dhe i asgjësimit të provave, si dhe ndikimi në dëshmitarë, prandaj masa e paraburgimit është e vetmja mënyrë për të siguruar një procedurë të pa penguar,” thuhet në njoftimin e gjykatës
Ndërsa, ministrja e Drejtësisë, Albulena Haxhiu, është shprehur e tronditur nga lajmi i ngjarjes që ka ndodhur në Graçanicë, ku një grua ka humbur jetë pasi bashkëshorti i saj e kishte rrahur dhe i kishte shkaktuar lëndime të rënda.
“E tronditur thellësisht nga lajmi i një tragjedie të ndodhur në Graçanicë. Shpreh ngushëllimet e mia të sinqerta për humbjen tragjike të jetës së 41-vjeçares nga Graçanica”, ka shkruar Haxhiu të premten.
Nga Prokuroria Themelore në Prishtinë rasti është ri-kualifikuar si “Vrasje e rëndë”.
E ndjera në Qendrën Klinike Universitare të Kosovës (QKUK), ishte dërguar dy ditë më parë ndërsa ka ndërruar jetë të premten.
Edhe misioni i Bashkimit Evropian për Sundimin e Ligjit në Kosovë, EULEX, ka reaguar gjatë ditës mbi ngjarjen.
Në reagim ishte thënë se mbështet autoritetet e Kosovës drejt parandalimit të dhunës kundër grave.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Përndjekje ndaj simbolit tonë kombëtar”, Mustafi dënohet nga Serbia për ngritjen e flamurit shqiptar
-
Ish-diplomati serb: Kosova histori e mbyllur, Vuçiçi po e dorëzon
-
Ushtarët britanikë realizojnë ushtrimin për “gatishmëri për përballje me të gjithë skenarët”
-
Osmani: Beogradit s’i vjen keq për krimet e luftës, krenohet me trashëgiminë e Millosheviçit
Lajmet kryesore
-
Jo më qendra emigrantësh në Shqipëri, Rama: Marrëveshja është ekskluzive për Italinë
-
Akuzohen për vjedhje, AMP ekzekuton masat e sigurisë për 22 punonjës policie në Kukës
-
Nga mbretëreshë në perandoreshë: Brenda pushtetit të plotfuqishëm të Ursula von der Leyen
-
Osmani: Beogradit s’i vjen keq për krimet e luftës, krenohet me trashëgiminë e Millosheviçit