Nëse dëshiron përgjigje të mëdha, fillo nga të voglat. Për shembull, mund të merret si rast skulptimi i strukturës prej alabastri, e njohur si Gjuetia e Luanëve nga Ashurbanipal-i.
Një vështrim i parë i kësaj relikeje, ngjall te personi konfuzion. Por, më parë, ajo zbukuronte muret e pallatit mbretëror në Nineveh, Mesopotaminë e Sipërme, dhe jo rastësisht.
Shigjeta të shënjuara drejt disa luanëve, nga mbreti asirian, Ashurbanipal, i jep nder dhe lavdi këtij të fundit. Me këndvështrimin e sotëm, mesazhi do të ishte i qartë: Mbreti është aq i fuqishëm, sa po vret thjesht me shigjeta luanët.
Jo vetëm kaq, por po i poshtëron ata.
Por, një vath i stërmadh në veshin e majtë të mbretit, mund të rrëzojë gjithë mitin dhe historikun e kësaj skulpture.
Një vath, që është aq i madh, sa duket sikur do e shkulë veshin nga vendi. Me shtatë shigjeta të vogla që drejtohen për poshtë, të gjitha me maja të mprehta, a thua se do e marrë nga sekondi në sekondë, për ta kthyer në armë.
Një çështje tjetër që duhet kuptuar, është roli i luanëve në atë kohë, plot 2 mijë e 700 vjet më parë. Nëse sot luanët shihen si kafshë që duhen mbrojtur për të mos rënë pre e zhdukjes së tyre, në atë kohë, numri i tyre ishte aq i madh, sa paraqisnin rrezik për njerëzit.
Një rrezik, që në atë kohë, menaxhohej nga mbretërit asirianë
Një luftë e gjuetarit dhe të gjuajturit, është ajo që shfaqet në skulpturat e qytetërimeve të lashta. Që nga ato të Mesopotamisë, Egjiptit të Lashtë, Romës etj.
Por, një poeti amerikan të shekullit të XX-të, William Carlos Williams, i ra në sy një gjë: Nëse mbreti është kaq i fuqishëm, nëse ai arrin të mposhtë vetëm me shigjeta jo një luan, por disa, atëherë përse në çdo panel tjetër që shtohet në skulpturën e alabastrit, shfaqen luanë të tjerë?
Williams kap cilësinë e çlirimit nga rreziku i luanit, por ndryshe. Një portretizim i një çasti historik, në të cilin një shigjetë e palëshuar ende, është njëkohësisht një shigjetë që godet shënjestrën. Koncepti i kohës fillon dhe ndalet aty, në një panel.
Një hero i fuqishëm dhe një rival i glorifikuar, për të fuqizuar më tej heroin. Një lloj simpatie që krijohet për “antagonistin” (luanin), vetëm për faktin e fuqisë së transmetuar nga gjuetari.
Pikërisht këtu, simbolika e vathit merr jetë
Ai vath duket si një formë e rrezeve të diellit. Në Mesopotami, simbol i cikleve jetësore dhe i burimit të çdo jete mbi tokë.
Por arsyeja e fshehur, është se, nëpërmjet diellit, përfytyrohej edhe zoti shigjetar Ashur. Nga këtu, edhe emri i mbretit Ashurbanipal. Pra, një sinonim tërësor i një zoti mbi tokë.
Dhe në mitologjinë akoma më të hershme mesopotame, zoti Ashur kishte një marrëdhënie të veçantë me një kafshë – pikërisht luanin.
Dielli, në atë sfond të replikës, lexohet në majat e shigjetave dhe kthetrat e luanit.
Pra, tabloja, nuk është thjesht një pasqyrim i zhdukjes së një të keqeje që kishte rënë në Mesopotami. Nuk është zhdukja e një kafshe që po kërkonte të zhdukte vetë njerëzit, por një bashkim.
Mbreti dhe luani, ishin një!
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Maqedonci para homologëve evropian: Përgjegjësit e sulmit terrorist në Banjë vazhdojnë të jenë të lirë dhe të pandëshkuar
-
SBASHK-u proteston me 1 maj, ka 11 kërkesa për Qeverinë
-
Shpresë për paqe? – Azerbajxhani dhe Armenia afër një akordi për gazin
-
Mes debatesh miratohet në Këshillin Bashkiak të Roskovecit ndërtimi i Termocentralit në Suk 1
Lajmet kryesore
-
Të ‘mbarojmë punë me Rai-n’, pastaj radha për interpelancë me Bardhin, thotë Rama
-
Bardhi thotë se Rama ka frikë nga interpelanca, radhit 4 fakte dhe shtron 4 pyetje publike për kryeministrin
-
Amerika autorizon Ukrainën të godasë Krimenë me raketa me rreze të gjatë
-
Edhe Britania e do Asociacionin sa më shpejt që të jetë e mundur