Shefja e departamentit të Epidemiologjisë në Institutin e Shëndetit Publik në Shqipëri, Silva Bino, ka njoftuar se do të vaksinohen fëmijët 12 deri në 15 vjeç, me sëmundje kronike.
Sipas saj ata do të marrin vaksinën anti-COVID Pfizer.
Po ashtu e hëna e 1 nëntorit ka shënuar fillimin e marrjes së dozës së tretë të vaksinës anti-COVID për personat mbi 60 vjeç në Shqipëri.
Lajmi u bë i ditur më 22 tetor nga Komiteti Teknik i Ekspertëve, të cilët theksuan se doza e tretë do të bëhet gjashtë muaj pas implementimit të dozës së dytë.
Sipas zëvendësministres së Shëndetësisë dhe Mbrojtjes Sociale, Mira Rakacolli, prioritet mbetet dhe vaksinimi i të gjithë popullatës, duke nisur që me fëmijët mbi 12 vjeç.
Shtetasit mbi 60 vjeç, duhet të paraqiten me certifikatën e vaksinimit, kartën e identitetit që të marrin dozën përforcuese.
Më herët ekspertja, Aida Bushati, anëtare e Komitetit, ka ravijëzuar për Albanian Post se doza mund të bëhet edhe nga personat “nën 60 vjeç”, nëse vuajnë nga sëmundjet hematologjike, imunosuprimuar apo sëmundje që i vendosin në rrezik.
Sipas saj, “një dozë përforcuese” është gjithmonë “një rikujtesë”, prandaj u bën thirrje të gjithëve, që të mos hezitojnë.
Aplikimi i dozave rikujtuese, “jo një praktikë e re”
Mjeku infeksionist, Pёllumb Pipero, thotë se “aplikimi i dozave rikujtuese tё imunitetit nuk ёshtё njё praktikё e re. Pёrkundrazi, nё pandemi ёshtё edhe rekomandim i fortё dhe plot kuptim”.
Duke hedhur një vështrim më tej, disa shtete tashmë janë “një hap përpara” inokulimit të dozës së tretë.
Tek ata që vuajnë nga sëmundje të frymëmarrjes (fibroza pulmonare idiopatike); sëmundjet kardiovaskulare, neurologjike, si dhe tek ata me çrregullime neurologjike disimune etj.
Sipas ministrisë së këtij shteti, “doza e tretë duhet të administrohet pas të paktën gjashtë muajve nga përfundimi i ciklit të vaksinimit parësor”.
Republika Çeke, duke filluar nga 20 shtatori, rekomandoi që kushdo që ishte vaksinuar plotësisht “të merrte dozën e tretë përforcuese”. Kjo për njerëzit mbi 60 vjeç.
Politika të ngjashme janë marrë edhe në Gjermani dhe Francë, të cilat po nxisin njerëzit e moshuar për një dozë përforcuese.
Izraeli, nga ana tjetër, ka vendosur që përforcuesja të bëhet për njerëzit e vaksinuar duke filluar që nga mosha 12 vjeç.
Me gjithë vërshimin e dozave nxitëse në kombet më të pasura, shkenca nuk është ende e qartë nëse ato janë të nevojshme.
Disa studime sugjerojnë se mbrojtja që ofrojnë vaksinat kundër infeksionit dhe sëmundjeve të lehta mund të jetë e ulët.
Por ato mbeten shumë efektive në parandalimin e rezultateve më të këqija, përfshirë sëmundjet e rënda dhe vdekjen.
Megjithatë, ekspertët përgjithësisht pajtohen se një injeksion i tretë është “lajm i mirë” për njerëzit me sistem imunitar të komprometuar, të cilët mund të mos kenë ngritur një përgjigje të fortë imune ndaj dozave fillestare.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë