Nicole Kidman thotë se po punohet “shpejt dhe furishëm” për sezonin e tretë të “Big Little Lies”

Aktorja amerikane Nicole Kidman po shpërndan detajet mbi sezonin e tretë të serialit “Big Little Lies”.

Kidman u ul me Reese Witherspoon, e cila luajti bashkë me të në serial, për një intervistë për Vanity Fair dhe konfirmoi se në fakt do të ketë një sezon të tretë.

Witherspoon madje bëri shaka se deri më tani, Kidman tashmë e kishte mbajtur shumë “të fshehur” statusin e shfaqjes, i cili fillimisht ishte një serial i kufizuar, duke vazhduar.

Por Kidman, tha se nuk i pëlqen që t’i zbulojë planet, e tha hapur edhe arsyen.

“Unë u emocionova”, tha Kidman.

“Duhet të mbyllim gojën. Ka një gjë të tërë rreth asaj se si nuk duhet të flisni kurrë për diçka derisa ta keni bërë atë, sepse nëse flisni për ta bërë atë, atëherë është goditja e dopaminës për ta bërë atë dhe ju ndiheni sikur e keni bërë atë. Është një studim shkencor”, tha ajo tutje.

Ajo gjithashtu konfirmoi ecurinë drejt sezonin të tretë, por nuk dha një përditësim konkret dhe të detajuar, duke mbajtur kështu fansat nën ethe.

“Ne po ecim shpejt dhe tërbuar”, shtoi ajo.

“Liane Moriarty po dorëzon librin. Jemi në formë të mirë”, shtoi ajo.

Në janar, Kidman i kishte thënë Entertainment Tonight se nuk ishin të sigurt për të ardhmen e serialit ikonik “Big Little Lies”

“Padyshim që jemi të gjithë të shkatërruar nga humbja e Jean-Marc Vallee”, tha ajo për regjisorin e ndjerë që punoi në sezonin e parë të shfaqjes para vdekjes së tij në vitin 2021.

“Kjo na bëri të shkojmë, ‘A mund të ecim përpara?’ Witherspoon dhe unë, dhe të gjitha gratë e tjera, kemi vendosur, po mundemi”, pati shtuar ajo.

Andrea Arnold drejtoi sezonin e dytë të “Big Little Lies”, i cili ka fituar tetë çmime “Emmy” gjatë dy sezoneve dhe ndjek një grup grash nga Kalifornia dhe një vrasje.

Krahas Kidman dhe Witherspoon, në serial kanë luajtuar edhe Shailene Woodley, Zoë Kravitz, Laura Dern, Adam Scott, Alexander Skarsgard, Kathryn Newton dhe Meryl Streep.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.