Aktorja Nicole Kidman ka zbuluar pak më shumë rreth një sezoni të tretë të mundshëm të serialit, “Big Little Lies”.
Kidman, ka thënë se tanimë e kanë një kohë të paraparë për rikthimin e sezonit të tretë të “Big Little Lies”, derisa ka theksuar ndikimin që kishte ndarja nga jeta e regjisorit të këtij prodhimi, Jean Marc Vallee.
“Ne gjithmonë i gatuajmë gjërat”, tha Kidman për Entertainment Tonight, transmeton AlbanianPost, “Kemi një afat kohor për këtë tani”, shtoi ajo.
“Padyshim që jemi të gjithë të shkatërruar nga humbja e Jean-Marc Valle.Kjo na bëri të shkojmë, ‘A mund të ecim përpara?’ Por? Reese [Witherspoon] dhe unë, dhe të gjitha gratë e tjera, kemi vendosur, po mundemi”, shtoi tutje Kidman.
Javë mkë parë Kidman në një intervistë për Variety, tha se ajo dhe Witherspoon, të cilët janë ndër producentët ekzekutivë të “Big Little Lies”, po shkruanin mesazhe çdo ditë për ringjalljen e serialit.
“Nuk mund të themi asgjë më shumë”, shtoi ajo.
Witherspoon kohët e fundit nxiti shpresat se drama e hitit të HBO do të rikthehej kur ajo u shfaq në tapetin e kuq të Golden Globes në fillim të këtij muaji.
“Ne po punojmë për të”, tha Witherspoon ajo, duke paralajmëruar një sezon të tretë.
“Big Little Lies” fitoi tetë çmime “Emmy” gjatë dy sezoneve dhe ndjek një grup grash nga Kalifornia mbi një vrasje.
Krahas Kidman dhe Witherspoon, në serial luajnë edhe Shailene Woodley, Zoë Kravitz, Laura Dern, Adam Scott, Alexander Skarsgård, Kathryn Newton dhe Meryl Streep.
Kidman aktualisht po promovon një tjetër shfaqje, “Expats”, e cila ndjek një grup emigrantësh që jetojnë në Hong Kong.
“E lexova librin, motra ime ma dha për ta lexuar dhe e dija se do të bënte një film të mrekullueshëm”, tha Kidman.
“Por ishte aq i dendur sa mendova se një mini-serial do të funksiononte më mirë. Dhe ishte kasti i duhur, pos tjerash”, pati përfunduar ajo.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
