Nuk ka asnjë dozë dashurie të humbur mes aktores, Nicole Kidman dhe burrit të saj prej 15 vjetësh, muzikantit, Keith Urban.
Ylli i filmit “Nine Perfect Strangers”, ka zbuluar se partneri i saj, këngëtari i muzikës “Country”, është krejtësisht dakord me rolet e Kidman, të cilat shpeshherë përfshijnë skena të nxehta.
“Burri im është një artist, kështu që ai i kupton të gjitha dhe nuk i pengon nëse roli im brenda një filmi është të aktroj në skena të nxehta”.
“Ai e sheh filmin si produkt final dhe e shijon atë. Nuk i intereson për skenarët dhe pjesës se çfarë ndodh në xhirime, mbase edhe për shkak të karrierës së tij muzikore në të cilën është i zhytur plotësisht”, tha Kidman në një intervistë për “Daily Pop”.
Çifti janë të martuar që nga viti 2006 dhe bashkë kanë dy vajzat e tyre, Sunday dhe Faith, ndërsa është folur edhe për mënyrën se si ylli australian i filmit arrin të balancojë jetën private me atë të punës.
“Ne kemi një sistem të planifikuar për të mbajtur familjen së bashku. Kur Keith ka turne, është shumë më e lehtë. Ai do të jetë në turne vitin e ardhshëm, dhe atëherë unë thjesht nuk punoj aq shumë. Fjalë për fjalë – do të çekuilibrohet dhe ne do ta ndryshojmë atë”, kishte thënë Nicole në një intervistë në muajin prill të viti 2020.
Dyshja jetojnë midis Nashville dhe Londrës dhe pas shumë vjetësh të martuar duket t’i jenë përshtatur stilit të jetesës me “ndarje” të kohëpaskohshme për shkak të profesioneve të tyre, duke qënduar larg nga njëri-tjetri në intervale të ndryshme kohore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
