Ngrohja globale ‘fajtore’ për tragjeditë e 2021-shit

Dhjetë ngjarje ekstreme klimatike kanë qenë shkaktare për mbi 1.5 miliardë dollarë dëme materiale, ku të prekur kanë qenë miliona banorë të globit anembanë.

Sipas një studimi të fundit nga fondacioni “Christian Aid”, këto identifikime janë bërë kryesisht në zonën a Amerikës së Veriut dhe Evropës, në ngjarje të tilla si uragani Ida në gusht apo përmbytjet masive në Korrik.

Në disa zona të tjera të varfra, përmbytje, stuhi apo ngjarje të tjera, shkaktuan shumë evakuime. Rrjedhimisht, personat që e vuajtën, ishin ata të cilëve iu desh të linin gjithçka e të zhvendoseshin.

Përtej këtij studimi, kjo nuk do të thotë se të gjithë fatkeqësitë, lidhen domosdoshmërisht me ngrohjen globale.

Por, sipas shkencëtarit Fiederike Otto, çfarë po ndodh, është më së paku intensifikuar për shkak të ndryshimeve klimatike.

Dora e njeriut nëpërmjet emetimeve karbonike të shtuara, ka luajtur rol në ngjarje shkatërruese.

Për shembull, ciklonet e shtuara tropikale, janë konkretisht pasojë e ndryshimeve. Shpejtësia e erërave ka shënuar rritje të ndjeshme në dekadat e fundit.

Po ashtu, mendohet se ky vit ka pasur edhe impaktin më të madh financiar në ekonominë botërore. Vetëm në SHBA, mendohet se kostoja reale, për shkak të zhvendosjes së çdo personi apo aktiviteti nga zona të caktuara, ka shkaktuar një humbje prej 65 miliardë dollarësh në ekonomi.

Në Gjermani, shifra mendohet se shkon deri në 43 miliardë. Humbjet e jetëve këtë vit atje, 240.

Me pak fjalë, një vit shkatërrues jo vetëm për mjedisin, por edhe për ekonominë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.