“Më 30 prill mbyllim sportelet e shërbimeve me dokumente dhe i japim një shqelm vendimtar korrupsionit, radhëve, zvarritjeve për marrjen e një dokumenti shtetëror”.
Ishte kjo deklarata e kryeministrit të Shqipërisë, Edi Rama, në median sociale Facebook, përcjell Albanian Post.
Gjithashtu, Rama publikoi raportin e fundit të Bankës Evropiane për Rindërtim dhe Zhvillim.
“Nga e 33-ta Shqipëria ngjitet në vendin e 17-të për shërbimet digjitale dhe del e para në rajon”, theksoi kreu i qeverisë në statusin e tij.
Indeksi i Maturimit të Agjencive Teknologjike Qeveritare (GovTech) publikonte në muajin dhjetor raportimin e Bankës Botërore për digjitalizimin e shërbimeve në Shqipëri për vitin 2020.
Një ndër treguesit më pozitivë të transformimit digjital të sektorit publik ishte Indeksi i Angazhimit Qytetar (CEI).
CEI-ja në Shqipëri ka një pikavarazh prej 0.86 në raport me 0.46 që është mesatarja globale.
Agjencia Kombëtare për Shoqërinë e Informacionit po udhëheq iniciativat GovTech në Shqipëri.
Raporti sjell në vëmendje strategjinë e re digjitale të qeverisë shqiptare për vitin 2021.
Fokusi, sipas saj, ishin shërbimet e aksesueshme universale, angazhimi i qytetarëve dhe të gjithë qeverisë.
Portali e-Albania është një platformë e integruar online, thekson publikimi, e aksesit në më shumë se 750 shërbime kryesisht transaksionale.
Agjencia për Ofrimin e Shërbimeve të Integruara ka krijuar 9 qendra shërbimi për qytetarët dhe 10 sportele shërbimi për të zgjeruar qasjen.
Përveç kësaj, raporti nënvizon dhe lançimin e platformës “Shqipëria që duam”.
“Qytetarët mund të japin komente për shërbimet publike, të paraqesin ankesa, të ndajnë idetë e tyre dhe të kërkojnë informacion në lidhje me vendimet dhe aktivitetet e qeverisë”, konstaton Banka Botërore.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Mustafa për AP: Paradoksal dhe jo-serioz propozimi i Qeverisë për Asociacionin që s’e ka trajtuar dialogu
-
Vula e PD-së, Apeli cakton datën e gjykimit
-
Dëshmia rrëqethëse e një neurokirurgu amerikan që shkoi në Gaza për të shpëtuar jetë
-
Dinari vazhdon të përdoret në Veri për kryerjen e pagesave, askush s’i kontrollon