Shqipëria

Nga 1 nëntori nisin dozat e treta, vaksinat edhe për fëmijët


Komiteti Teknik i Ekspertëve në Shqipëri, të premten e 22 tetorit, deklaroi se qytetarët mbi 60 vjeç do të marrin dozën e tretë , duke nisur që prej datës 1 nëntor.

Doza e tretë, sipas tyre, do të bëhet gjashtë muaj pas implementimit të dozës së dytë.

Sipas zëvendësministres së Shëndetësisë dhe Mbrojtjes Sociale, Mira Rakacolli, prioritet mbetet dhe vaksinimi i të gjithë popullatës, duke nisur që me fëmijët mbi 12 vjeç.

Ekspertët bënë një pasqyrë të përgjithshme të situatës në Shqipëri. “Incidenca dyjavore në Shqipëri është 222 për 100 mijë banorë”.

Ndërsa numri i Bashkive të prekura është rritur dhe ka shkuar në 48.

Sipas tyre, rastet kanë parë një rritje këto javë. Raporti femra-meshkuj është 48-58%.

Mesatarja ditore e rasteve të shtruara në spital për një javë është 157. Gjithashtu raporti i numrit të fataliteteve, me rastet e infektuara, është 1.6%.

Nga ana tjetër, niveli i masave shtrënguese do të mbetet i njëjtë, ora policore do të 23:00-06:00. ” E rëndësishme mbajtja e maskës dhe respektimi i masave”, ishte thirrja që bënë ekspertët.

Deri më tani janë vaksinuar me një dozë 1 milionë e 860 mijë e 335 qytetarë dhe gati gjysma me dy dozat.

Ka qenë ministrja e Shëndetësisë dhe Mirëqenies Sociale, Ogerta Manastirliu, e cila deklaroi se “Komiteti i Imunizimit ka rekomanduar futjen në protokolle të dozës së tretë të vaksinës për coronavirus-in, por fjala u takon ekspertëve”.

Me variantin Delta nëpër këmbë, tashmë edhe Shqipëria do t’u bashkohet shteteve të tjera për implementimin e dozës së tretë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore