Neymar mund të jetë një nga yjet e kombëtares braziliane, nuk ka dyshim për këtë, por teksa Botërori po zhvillohet në pjesën e fundit të vitit, shumë lojtarë tashmë janë të goditur, siç është rasti i sulmuesit tw PSG-së, i cili vjen në turneun e Katarit si lojtari mw i faulluar gjatë gjithë sezonit në pesë ligat kryesore evropiane.
Neymar është lojtari që më së shpeshti përballet me kundërshtarët dhe kërkon të driblojë, që njihet si jogo bonito, dhe lojtari i PSG-së është eksponenti maksimal i këtij stili të futbollit, por jo gjithçka bie në sy, ka edhe kundërshtarë që planifikojnë t’i ndalin këto.
Në total, Neymar ka qenë viktimë e 66 faulleve deri më tani në sezonin 2022-2023 të turneut elitar në kontinentin e vjetër. Po kështu, debutuesi i Santos i O’Rei Pele mori më së shumti faulle në Rusi 2018 me 26 në pesë ndeshje, të gjitha falë stilit të tij të guximshëm.
Një tjetër lojtar që ndan këtë stil të guximshëm është Vinicius Jr i Real Madrid-it.
Lojtari i stërvitur nga Flamengo kryeson tabelën e lojtarëve më të faulluar në ligën spanjolle me 49 faulle të marra në 14 ndeshje. Të dy janë eksponentë të jogo bonito.
Në të njëjtën linjë, në Premier League, Gabriel Jesus zë vendin e dytë të faullave të marra në Premier League me 38 dhe në pozitën e tretë e ka Bruno Guimaraes, me 33.
Neymar dhe pjesa tjetër e lojtarëve sulmues të Brazilit i bëjnë ata viktima të atyre lojtarëve të ashpër, të cilëve nuk u intereson nëse e ndalojnë kundërshtarin pastër, apo duke bërë një faull.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
