Rajoni

Newtral: Tarifat e universiteteve shqiptare, në ritmin e Ballkanit


E përditshmja spanjolle “Newtral”, që merret me të dhënat dhe faktet teknologjike ka zbuluar shpërndarjen e tarifave universitare për të gjithë Evropën.

Pa pasur një renditje të mirëfilltë, por një paraqitje skematike të tarifave për secilin shtet, Shqipëria renditet e para – për shkak të rendit alfabetik.

Me tarifa që variojnë nga 161 deri në 322 euro për ciklin e parë të studimeve “Bachelor”, universitetet publike shqiptare janë më të lira se ato boshnjake dhe serbe.

Universitetet serbe tarifojnë nga 680 deri në 2 mijë euro, ndërsa ato boshnjake variojnë nga 225 euro deri në 2 mijë euro. Këto, sipas shifrave të zbuluara nga spanjollja “Newtral”.

Shqipëria i bashkangjitet Maqedonisë së Veriut, e cila ka tarifa të përafërta për ciklin e studimeve “Bachelor” – nga 124 deri në 423 euro.

Sipas “Newtral”, këto tarifa që ajo i titullon “taksa” përfshijnë; shpenzimet akademike, të shkollimit, administrative dhe të provimeve.

Nga rajoni shihet një hendek i madh tarifor midis vendeve si Rumania apo Bullgaria dhe Kroacia – të treja shtete anëtare të Bashkimit Evropian.

Universitetet bullgare tarifojnë 153 deri në 869 euro për ciklin e parë të studimeve, ndërsa Rumania ka shifra përtej të zakonshmes për trendin rajonal – nga 952 deri në 7 mijë euro.

Kroacia është vendi më i lirë për studentët nga rajoni ballkanik me tarifa që variojnë nga 17 deri në 66 euro.

Mali i Zi, sipas “Newtral”, i bashkohet listës së shteteve që nuk paguajnë taksa universitare; Austria, Qipro, Danimarka, Skocia, Estonia, Finlanda, Greqia, Malta, Norvegjia, Suedia dhe Turqia.

Nga ana tjetër, publikimi i të përditshmes spanjolle zbulon një fakt. Si Islanda ashtu edhe Shqipëriam kanë një përqindje më të lartë të tarifave dhe një shifër më të ulët për bursat.

Shtetet e BE-së

Në vendet evropiane, tarifat e universitetit ndryshojnë në varësi të territorit.

Ndërsa në shtete të tilla si Qipro, Danimarkë ose Austri që nuk ka asnjë pagesë për të hyrë në ciklin e parë, në shtete të tjera si Spanja ato variojnë nga një minimum prej 702 deri në një maksimum prej 2 mijë eurosh.

Kjo, sipas një raporti të përgatitur nga Komisioni Evropian për Kombëtare Sistemet e Taksave dhe Ndihmës për Studentët në Arsimin e Lartë Evropian midis vitit 2020 dhe 2021.

Që kur filloi procesi i Bolonjës, cikli i parë në territorin spanjoll dhe në vendet e tjera të Evropës përfshin studime universitare. Cikli i dytë barazon studimet master ose ato pasuniversitare.

Shkalla e tretë është doktorata, për të hyrë në një minimum prej 240 kreditesh universitare.

Në Gjermani, tarifat nuk përfshihen për ciklin e parë dhe të dytë në asnjë nga Länder-at (shtetet gjermane).

Sidoqoftë, në tetë nga këto territore ngarkohen disa tarifa administrative që kushtojnë midis 50 dhe 75 euro.

Në vende të tjera si Franca, 66% e studentëve në të gjitha ciklet paguan tarifa gjatë vitit 2018-2019.

Tarifa akademike vjetore, e vendosur nga Ministria e Arsimit të Lartë dhe Kërkimit, është 170 euro për ciklin e parë dhe 243 euro për të dytin, përveç një kontributi vjetor (CVEC) prej 92 eurosh.

Tarifat e vendosura në Itali përcaktohen nga vetë institucionet e arsimit të lartë në vitin akademik.

Këto norma ndryshojnë në varësi të prejardhjes socio-ekonomike të studentit dhe fushës së studimit.

Në vendin transalpin norma minimale është 200 euro ndërsa maksimumi ndryshon në varësi të ciklit të parë (2 mijë e 721 euro) ose ciklit të dytë (2 mijë e 906 euro).

Në vende të tilla si Danimarka, Malta dhe Suedia ka një përqindje më të madhe të studentëve kombëtarë universitarë me kohë të plotë, të cilët kanë marrë bursa sipas shkallës së shpenzimeve.

/Albanianpost.com


Lajmet kryesore