Mesfushori anglez, James Maddison, pritet të jetë largimi i radhës nga klubi i Licester City-t.
26-vjeçari po kalon momente shumë të mira te klubi i tij, por duket se ai nuk do të qëndrojë në Liecester.
Sipas “Sky Sports”, Maddison do të jetë përforcimi i parë i skuadrës së Newcastle United për sezonin e ri.
Futbollisti anglez ka kontratë me klubin e tij deri në verën e vitit 2024, por flitet se nuk e ka në plan ta zgjasë atë.
Në këtë mënyrë, skuadra e Newcastle thuhet se do të përfitojë në këtë rast, për ta marrë me një çmim më të ulët anglezin.
Ai këtë sezon ka shënuar nëntë gola dhe ka dhuruar gjashtë asistime në 21 ndeshje në kampionatin anglez.
Maddison është pjesë e Leicester-it prej vitit 2018, kur iu bashkua nga Norwich City.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
