Netanyahu në mbledhjen e kabinetit të sigurisë: “Do ta bëjmë armikun të paguajë një çmim të llahtarshëm”

Kryeministri izraelit Benjamin Netanyahu ka mbledhur kabinetin e sigurisë të shtunën pasdite, duke thënë se “që nga mëngjesi i sotëm, Izraeli është në gjendje lufte”.

Lajmi u bë i ditur nga agjencia izraelite “Haaretz”.

Netanyahu shtoi se misioni i parë i ushtrisë është të pastrojë të gjitha komunitetet jugore nga prania e terroristëve që depërtuan në to dhe “të rivendosë sigurinë dhe paqen në të gjitha komunitetet që pësuan sulmin”.

Kreu i Qeverisë shtoi se objektivi i dytë i ushtrisë është “të bëjë armikun të paguajë një çmim të llahtarshëm” dhe se objektivi i tretë është të sigurojë arena të tjera potencialisht të dhunshme “kështu që askush tjetër nuk do të mendonte t’i bashkohej kësaj lufte”.

“Në një kohë lufte, ne të gjithë duhet të qëndrojmë të qetë. Unë i bëj thirrje të gjithë qytetarëve izraelitë të bashkohen, në mënyrë që të mund të arrijmë objektivin tonë – të fitojmë këtë luftë”, ravijëzoi ai në përmbyllje.

40 të vrarë dhe 740 të plagosur është bilanci i ri në Izrael – Luftimet priten të zgjasin disa ditë – Palestinezët ‘në festë’

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.