Kryeministri i Shqipërisë, Edi Rama, së bashku me ministren e Infrastrukturës dhe Energjisë, Belinda Balluku, të martën e 20 prillit nënshkruan marrëveshjen me kompaninë e Behgjet Pacollit, për ndërtimin e Aeroportit të Vlorës.
Rama bëri me dije se ky aeroport është 100% i financuar dhe se do të jetë motor i ekonomisë shqiptare.
Në fjalën e saj, Balluku paraqiti fazat në të cilat do të kalojë projekti.
“Brenda 14 muajve, do të nisin punimet. Do të ketë një fazë përgatitore për sa i përket studimit mjedisor dhe arkeologjik. Tetë muaj do të jenë në dispozicion për kushtet paraprake dhe, më pas, do të bëhet dorëzimi përfundimtar i projektit”.
Ajo vendosi theksin se në këtë aeroport, si asnjëherë më parë, do të ketë dhe dy sektorë të rëndësishëm “mirëmbajtja e avionëve dhe kargo ose hangarë”.
Sipas saj, kargot do të bëjnë të mundur transportimin e mallrave trans-oqeanike përmes ajrit.
Kryeministri, finalizimin e kësaj kontrate, e cilësoi si një moment më të rëndësishëm se vaksinat, pasi do t’i sjellin ekonomisë shqiptare një rritje të madhe.
Gjithashtu ndërtimi do të bëjë të mundur dhe hapjen e mijëra vendeve të reja pune, sipas tij.
Ngecjen e këtij projekti, ai e cilësoi si një mallkim. Duke përmendur pandeminë si një tjetër faktor që anuloi hapjen e garës.
Po ashtu, futja në garë e Pacollit, sipas Ramës “ishte një ëndërr e Pacollit e bërë realitet, për të lënë gjurmë në ndërtimin e një vepre të madhe në Shqipëri, që do të mbajë emrin e tij”.
“Behgjeti nuk gjeti rrugën e një telefonate me mua, për të thënë se donte të merrej me këtë punë, por hyri në garë dhe e fitoi atë me një konsorcium që i kap të gjitha kapacitetet”.
Në fund, Rama theksoi faktin se katër porta hyrëse nga qielli do të hapen “me se s’bën”.
Në fund vendosi theksin te hapja e garës për ndërtimin e një aeroporti tjetër në qytetin bregdetar të Sarandës.
“Do të bëjmë në Vlorë akademinë e aviacionit. Përtej pandemisë, na është hapur një vizion i gjerë”, e mbylli Rama.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Akuzat e Metës ndaj SPAK, Basha: Nuk është sjellje normale, Prokuroria ka trazuar ujërat e kastës 34-vjeçare të politikës
-
Kuvendi miraton me 96 vota marrëveshjen për hapjen e Kolegjit të Evropës në Tiranë
-
Manja prezanton pr/ligjin: Lehtësohet procedura e cerfikimit për “Përkthyesit zyrtar”
-
Marrëveshja për Kolegjin e Evropës, Manastirliu në Kuvend: Ngjarje historike për arsimin e lartë shqiptar