“Neglizhenca e juaj, detyrim për migrim ndaj neve”, protestojnë pronarët e bizneseve kërkojnë lejimin e shfrytëzimit të hapësirave publike
“A ka drejtësi në këtë vend”, “stop diskriminimit ndaj bizneseve të vogla”, “neglizhenca e juaj detyrim për migrim ndaj neve”, janë disa nga pankartat që pronarët e bizneseve kanë mbajtur në duar.
Përmes kësaj proteste ata kanë kërkuar lejimin e shfrytëzimit të hapësirave publike, teksa protestën e kanë mbajtur para ndërtesës së Komunës së Prishtinës.
Përfaqësuesi i Shoqatës së bizneseve të vogla, Sadudin Hasani, para mediave tha se qëllimi i protestës është për kushte më të mira në veprimtarinë në të cilën e ushtrojnë.
“Ne më herët kemi pas frigoriferë, na i ka largu komuna, na kanë udhëzuar të bëjmë kërkesë për leje dhe e kemi bërë atë kërkesë dhe nuk janë marrë për bazë ato kërkesa. Që një vit e kemi bërë këtë kërkesë”, tha Hasani, teksa shtoi se janë dëmtuar tej mase.
“Na kanë dëmtuar tej mase, duke e ditë që biznesi kryesor gjatë verës e ka pijen. Nuk kemi pas diçka jashtëligjshme por gjitha produktet vendore”, tha ai.
Ai shtoi se protestën do ta vazhdojnë deri në plotësimin e kushteve të tyre.
Edhe nënkryetari i Shoqatës Enver Gashi u shpreh se janë dëmtuar shumë si shkak i moslejimit të shfrytëzimit të hapësirave.
“Unë më shumë kam dal me mbrojtur këtë, mos me lejuar që rinia me dal jashtë. Nëse nuk na mundësojnë me punuar dhe me i mbajt fëmijët këtu, le të vijnë dhe t’i largojnë, rrugën hapur e kanë. 60 për qind na ka dëmtuar si biznese”, tha ai.
Papunësia, pagat e ulëta, shkollimi i dobët, çmimet e larta, mosvlerësimi i duhur këto ishin vetëm disa nga arsyetimet kur qytetarët pyeteshin përse po largohen.
Të njëjtat arsyetime vazhdojnë edhe sot.
Një protestë të ngjashme pritet ta zhvilloj edhe Federata Sindikale e Punëtorëve Teknikë të Sektorit Privat të Kosovës, për gjendjen e rëndë të punëtorëve të këtij sektori.
Protesta e cila do të filloj nga ora 11 në sheshin “Zahir Pajaziti” në Prishtinë, lidhet me Ditën Ndërkombëtare të Punëtorëve, 1 majin.
Pikërisht me këtë ditë, Iniciativa Kosovare për Stabilitet (IKS), do të themeloj sot dy shoqata sindikale në Kosovë në sektorin e gastronomisë dhe hotelierisë.
Për një maj, në këtë takim pritet të mbahet mbledhja konstituive dhe të nënshkruhet formimi i këtyre dy sindikatave.
1 Maji njihet si Dita Ndërkombëtare e Punës. Ky manifestim lindi nga lufta e punëtorëve për të kërkuar dhe siguruar të drejtat, liritë dhe kushtet e punës e të jetesës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Vuçiç i kërkoi personalisht Macron-it ta bllokojë anëtarësimin e Kosovës në KiE, pretendon Knaus
-
Balla thotë se është koha të krijohet shërbimi vullnetar zjarrfikës
-
Qeveria po e trajton si armike shtresën e mesme, sipas Bashës
-
Lobimi serb në OKB kundër rezolutës për Gjenocidin e Srebrenicës, si po e ndihmojnë rusët dhe kinezët?