Kryeministri i Kosovës, Albin Kurti, është takuar me homologun e tij nga Kroacia, Andrej Plenkoviç, në ambientit e stadiumit të Hamburgut, në ndeshjen mes Shqipërisë dhe Kroacisë, e cila përfundoi me rezultat të barabartë 2:2.
Lajmi u bë i ditur nga Kurti, përmes një postimi në platformën X, ku tregoi se takimi ka ndodhur pas përfundimit të pjesës së parë të ndeshjes.
“Në qytetin historik të Hamburgut, gjatë pushimit të pjesës së parë të ndeshjes së sotme të futbollit, që përfundoi me rezultat miqësor, pata një takim edhe më miqësor me kryeministrin Plenkoviç, anëtarin e Bundestagut Niels Annen dhe kryebashkiakun Peter Tschentscher. Sporti dhe marrëdhëniet ndërkombëtare në maksimum”, shkroi Kurti.
In the historic city of Hamburg, during the half time break of today's football match, which ended in a friendly result, I had an even friendlier encounter with Prime Minister @AndrejPlenkovic, Bundestag member @NielsAnnen, and Mayor @TschenPe. 🇽🇰🇭🇷🇩🇪 — sports and international… pic.twitter.com/AFQucSL9nD
— Albin Kurti (@albinkurti) June 19, 2024
Ndërsa, duke komentuar ndeshjen në mes të Kroacisë dhe Shqipërisë, Kurti ka vlerësuar se pjesa e parë i takoi kuqezinjve, ndërsa e dyta kroatëve.
Këto komente, kryeministri i ka bërë përmes një postimi në Facbeook.
“Çfarë Shqipërie që na mbush ndjenja dhe entuziazëm! Pjesa e parë ishte e jona. Pjesa e dytë e Kroacisë. Në fund u ndamë me nga një pikë secila”, shkroi Kurti.
Për Kurtin, ndeshja kishte një atmosferë që nuk përsëritet me lojë të bukur futbolli.
“Ëndrra vazhdon!”, përfundoi.
Ndryshe, Shqipëria dhe Kroacia e kanë mbyllur në barazim 2:2 takimin e kësaj të mërkure, në kuadër të fazës së grupeve në Kampionatin Evropian “Euro2024”, që është duke u mbajtur në Gjermani.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Borrell: Kosova s’ishte e gatshme për takim trelateral, Kurti paraqiti tri kushte
-
Gonzato takim me kreun e KLSH-së: Institucioni, rol vendimtar antikorrupsional
-
Rama flet rreth “dashurisë së verbër” për Evropën dhe zbulon nëse Netanyahu do të arrestohej në Shqipëri pas vendimit të GJNP-së
-
Dialogu vazhdon në fillim të korrikut, në nivel të kryenegociatorëve