Tifozët mbetën të habitur kur një fizioterapist u përjashtua me karton të kuq gjatë një ndeshjeje në Norvegji.
Gjyqtarët në të gjithë futbollin evropian kanë filluar të ndëshkojnë “problematikët” vitet e fundit, dhe me të drejtë.
Në një kohë kur teknologjia dhe VAR-i po largojnë fuqinë vendimmarrëse nga zyrtarët në fushë, është e rëndësishme që të ruhet një nivel i caktuar respekti midis tyre dhe lojtarëve.
Thënë kështu, një arbitër në Norvegji i çoi gjërat pak më larg.
Tifozët mbetën të habitur kur arbitri përjashtoi një fizioterapist gjatë duelit të Sarpsborg me Brann të shtunën.
Me rezultatin 0-0 dhe me rreth pesë minuta të mbetura, një lojtar i Sarpsborg u rrëzua me dëmtimin që dukej si ngërç.
Mjeku fizioterapist i ekipit, Joao Ferreira, u fut në fushë për të ndihmuar lojtarin, por ai u ndëshkua menjëherë nga arbitri pasi hyri në fushë pa leje.
Ferreira u kap nga kamerat televizive duke protestuar ndaj gjyqtarit, me ç’rast iu dha një karton i dytë i verdhë dhe një i kuq.
Fizioterapisti nuk mund ta besonte aspak atë që po ndodhte dhe ai qeshi me arbitrin teksa ai fillimisht mbeti në fushë.
Disa lojtarë të Brann më pas e ndaluan atë të afrohej me zyrtarin, përpara se yjet e Sarpsborg të përfshiheshin për të mbështetur fizioterapistin e tyre.
Sarpsborg 08 0-0 Brann FK – Medical Personnel yellow card + straight red card 84′
Ref has a clownmaster degree 🤡
Physio straight red card
=
Can’t treat their injured players for three weeks 😔 pic.twitter.com/8cKHl4wHZ7— Britannicus Maximus “Great Victor in Britain” (@BrutusMaximusX) July 21, 2024
Pasi loja rifilloi përfundimisht, Sarpsborg kaloi në epërsi vonë kur Henrik Wendel Meister shënoi në minutën e 91-të.
Por Brann arriti të rrëmbejë një pikë në minutën e katërt të kohës shtesë, me zëvendësuesin Aune Heggebo.
Ndërsa përfundimet dramatike të lojërave nuk janë të rralla, jo shumë tifozë do të kenë parë ndonjëherë një fizioterapist që merr karton të kuq.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
