Siria ka ndërprerë përkohësisht furnizimet e karburantit për të përmbushur mungesat. Ministria Siriane e Naftës fajësoi sanksionet e Shteteve të Bashkuara (SHBA), më 10 janar. Si shkak i vonesave në mbërritjen e furnizimeve sanksionet ‘Céasar’ do të detyrojnë Sirinë të shkurtojë deri në 24% shpërndarjen e karburantit dhe të naftës.
Vendi vuan nga mungesa e produkteve të grurit dhe të karburantit. Qeveria ka racionalizuar produktet duke e thelluar dhe më tej krizën. Pas shkatërrimit nga lufta, vështirësitë ekonomike janë përshkallëzuar nga kufizimet për të luftuar coronavirus-in. Një shkak tjetër janë sanksionet e forta perëndimore ndaj qeverisë së Bashar al Asad-it.
Perëndimorët fajësojnë qeverinë siriane për vrasjet e qindra mijëra civilëve.
Lufta civile filloi në mars të 2011, kur trupat qeveritare shtypën protestat kundër sundimit të Bashar al-Asad-it. Ai vazhdon të qëndrojë në pushtet, pavarësisht luftës civile që ka shkatërruar Sirinë këto 10 vite.
Damasku thotë se sanksionet po ia bëjnë gjithnjë e më të vëshirë jetën civilëve. Ekonomia e Sirisë mbështetet kryesisht në tregtinë e naftës së papërpunuar që vjen nga Irani, i cili mbetet një aleat kyç i Damaskut në luftën kundër opozitarëve.
Ministria Siriane e Naftës deklaroi se do të shkurtojë më 17% sasinë e naftës dhe do të shkurtojë me 24% sasinë e karburantit që po shpërndahet në provincat e kontrolluara deri sa të vijnë furnizimet e reja. Nuk është përcaktuar asnjë datë për heqien e racionalizimit. Shumica e sirianëve kanë të ardhura mujore me pak se 100 dollarë në muaj.
Radhët e gjata në pikat e karburantit dhe orët e pritjes janë bërë një realitet i përditshëm. Si zgjidhje shumë persona vendosin të ecnin ose të parkojnë automjetet e tyre private. Ulja e konsumit të naftës për ngrohje gjatë muajve të dimrit është ulur me rreth 50%./AlbanianPost.com
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
