Ndahet nga jeta në moshën 89-vjeçe aktori, Alan Arkin

Aktori komedian, fitues i çmimit “Oscar”, Alan Arkin, i njohur për rolet e tij në “Little Miss Sunshine” dhe “Catch-22”, ka vdekur në moshën 89-vjeçe.

Djemtë e tij, Adami, Matthew dhe Anthony, konfirmuan lajmin e trishtuar për familjen, shkruan PageSix, transmeton AlbanianPost.

“Babai ynë ishte një forcë unike e talentuar e natyrës, edhe si artist edhe si njeri”, thanë ata në një deklaratë.

“Një bashkëshort, baba, gjysh dhe stërgjysh i dashur, ai u adhurua dhe do të mungojë shumë”, shtuan ata.

Miku i tij, aktori Jason Alexander paralajmëroi fansat për kalimin në amshim të Arkin, derisa përmes një cicërime në Twitter, ai e ka cilësuar të ndjerin si “person me shpirt bujar”.

“U prefsh në paqe Arkin, një zë kaq i mrekullueshëm, origjinal për komedinë. Dhe në ato pak raste isha në praninë e tij, një shpirt i sjellshëm dhe bujar”, ka shkruar Alexander.

“Mësova shumë nga shikimi i tij. Dhe të qeshurat që mora nga puna e tij e lavdishme më duken të pafundme. Pushoftë në paqe”, përfundoi ai.

Arkin ishte një aktor fitues i çmimeve që filloi karrierën e tij në Broadway, duke bërë debutimin e tij në vitin 1961 në “From the Second City”.

Dy vjet më vonë, regjisori fitoi një çmim “Tony” për rolin e tij në “Enter Laughing”. Ai mori të dytën, këtë herë për “The Sunshine Boys”, në vitin 1975.

Sa i përket punës së tij në ekran, Arkin mori një “Oscar” për rolin e tij dytësor në “Little Miss Sunshine” në vitin 2006, si dhe një “Golden Globe”për “Rusët po vijnë, rusët po vijnë” 40 vjet më parë.

Skenaristi ka zbukuruar gjithashtu ekranet televizive gjatë viteve, më së shumti duke luajtur Norman Newlander në “The Kominsky Method” nga viti 2018 deri në vitin 2021.

Ai la pas gruan Suzanne Newlande, me të cilën u martua në vitin 1996, dhe tre djemtë e tij.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.