Sport

Ndahet nga jeta në moshën 29-vjeçare, fituesi i medaljes olimpike, Deon Lendore


Fituesi i medaljes së kampionatit olimpik dhe botëror Trinidad dhe Tobago, Deon Lendore, ka ndërruar jetë në moshën 29-vjeçe pas një aksidenti me makinë në Teksas të Shteteve të Bashkuara të Amerikës.

Sipas Universitetit “A&M” të Teksasit, për të cilin Lendore kishte punuar si ndihmës trajner vullnetar gjatë dy sezoneve të fundit, ai po kthehej në shtëpi nga stërvitja kur u përfshi në një aksident automobilistik.

Lendore konkurroi në tre Lojëra Olimpike dhe vrapoi këmbën spirancë të finales së stafetës 4×400 metra për meshkuj në Lojërat Olimpike të vitit 2012 në Londër, ndërsa fitoi medaljen e bronztë.

Ai fitoi medaljen e argjendtë në të njëjtën garë në Kampionatin Botëror të vitit 2015 në Pekin, përpara se të pretendonte medalje bronzi individuale në 400 metra në Kampionatin Botëror viteve 2016 dhe 2018.

Lidhur me vdekjen e Lendore, ka reaguar edhe Komiteti Olimpik i Trinidad dhe Tobago – duke shprehur ngushëllimet për vdekjen e parakohshme.

Deon Lendore.

“Fjalët nuk mund të shprehin në mënyrë adekuate pikëllimin tonë për humbjen shkatërruese dhe të parakohshme të 3 herë olimpistit dhe medalistit të bronzit Olimpik dhe Botëror, Deon Lendore, i cili ka qenë një frymëzim dhe motivim për të gjithë”, thuhet në deklaratën e publikuar nga Komiteti Olimpik i Trinidad dhe Tobago.

“Deon ka valuar flamurin e Trinidad dhe Tobago me krenari, nder, patriotizëm dhe një vullnet të paepur gjatë gjithë karrierës së tij, ndërsa ka ndihmuar dhe frymëzuar shumë sportistë të tjerë”, u tha më tej në deklaratë.

Lendore konkurroi në Olimpiadën e tij të tretë në Tokio vitin e kaluar, duke u renditur i teti me Trinidad dhe Tobago në finalen 4×400 metra dhe duke arritur në gjysmëfinalen e 400 metrave.

Ai gjithashtu përfundoi i treti në finalen e 400 metrave në Diamond League në Cyrih shtatorin e kaluar.

Deon po stërvitej si atlet profesionist nën kontratë me gjigandin, Puma, ndërsa shërbente si ndihmës trajner vullnetar në Teksas.

Deon Lendore.

“Jemi thellësisht të pikëlluar për ndarjen nga jeta të Deon Lendore, i cili është pjesë e familjes Puma që nga viti 2017”, thuhet në deklaratën e kompanisë së veshjeve sportive.

“Ne jemi të nderuar që ai na zgjodhi të jemi pranë tij për një pjesë të madhe të karrierës së tij të suksesshme në sport. Mendimet tona janë me familjen e tij. Pusho në paqe, Deon”, përfunduan ata.

/Albanianpost.com


Lajmet kryesore