Sport

NBA, NFL, Tenis – Santiago Bernabeu i ri, jo vetëm për futboll


Real Madrid-i e ka bërë zyrtare se Santiago Bernabeu i ri do të inaugurohet në dhjetor të vitit 2022.

Kjo datë përkon edhe me 75 vjetorin e ndërtimit të stadiumit legjendar, që morri emrin e presidentit Santiago Bernabeu.

Gjatë viteve, Santiago Bernabeu ka pësuar disa ndryshime, por ky që po ndodh aktualisht, është një ndër ndryshimet më të mëdha.

Santiago Bernabeu 1950
Santiago Bernabeu 1980
Santiago Bernabeu pas vitit 2010
Projekti i ri i Santiago Bernabeu-t, që do të inaugurohet në dhjetor 2022

Puna ka filluar në vitin 2019, dhe do të përfundojë në dhjetor të vitit që vjen.

Por, ky stadium i ri, do të jetë një epiqendër e spektaklit sportiv, me klubin madrilen që përsëri pritet të ngjitet në piedestalin e pasurisë së futbollit, me të ardhurat që do të jenë shumë të mëdha.

Pse epiqendër e sportit?

Në një video të publikuar sot, Real Madrid-i e ka bërë të ditur se Santiago Bernabeu i ri do të organizojë ndeshje basketbolli, madje edhe të NBA, ndeshje të futbollit amerikan dhe ndeshje të tenisit.

Të gjitha këto do të sjellin diçka ndryshe në kryeqytetin e Spanjës, me Real-in që pritet të arrijë një nivel luksi që e konfirmon forcën e vërtetë të tyre si institucion, më shumë se si klub.

Jo vetëm, Bernabeu i ri nuk do të ndalet vetëm të këto sporte, ose vetëm te sporti.

Ndeshje boksi, MMA dhe koncerte të artistëve të ndryshëm do shfaqen në stadium.

Ambientet e brendshme do jenë të mbushura me qendra tregtare, restaurante, madje do ketë edhe teatër.

Perez ka premtuar se projekti i ri do jetë më i madhi në historinë e sporteve, dhe duket se ai po e mban këtë premtim.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore