Orët e hershme të mëngjesit të së mërkurës (me kohën tonë lokale) u zhvilluan edhe nëntë ndeshje në ligën amerikane të basketbollit, NBA.
Los Angeles Lakers janë rikthyer te suksesi, teksa mposhtën në udhëtim skuadrën e Brooklyn Nets me rezultat 96:106.
Basketbollisti i Brooklyn Nets, James Harden, ishte ylli i mbrëmjes i cili arriti “triple-duble”, duke shënuar 33 pikë, 12 kërcime e 11 asistime.
Ndërsa te skuadra mike u dallua i zakonshmi LeBron James, i cili shënoi 33 pikë, shtatë kërcime e gjashtë asistime.
Ndërkohë, Golden State Warriors po vazhdon me formë të mirë, të cilët morën fitoren e katërt në pesë ndeshjet e fundit.
Warriors këtë radhë mposhtën në shtëpi Dallas Mavericks me rezultat të thellë, 130:92.
Më i miri i kësaj sfide ishte basketbollisti i Mavericks, Luka Doncic, i cili shënoi 25 pikë e tetë kërcime.
Ndërsa te Warriors si zakonisht u dallua Stephen Curry me 18 pikë, nëntë kërcime e shtatë asistime, derisa edhe Jonathan Kuminga kontribuoi me 22 pikë e pesë kërcime.
Fitore në këtë xhiro shënoi edhe Philadelphia 76ers, të cilët mposhtën New Orleans Pelicans me rezultat 117:107.
Joel Embiid ishte më i miri në këtë sfidë, duke shënuar 42 pikë, 14 kërcime e katër asistime, derisa lojë të mirë shfaqi edhe Tobias Harris me 33 pikë e 11 kërcime.
Ndërkohë, fitorja më e thellë në këtë xhiro u arrit në “TD Garden”, aty ku Boston Celtics deklasoi Sacramento Kings, duke e mposhtur me rezultat të thellë 128:75.
Jayson Tatum ishte ylli i mbrëmjes në këtë sfidë, i cili realizoi 36 pikë, derisa lojë të mirë shfaqi edhe Jaylen Brown me 30 pikë e 10 kërcime.
Rezultatet e ndeshjeve tjera:
Detroit Pistons 105 – 110 Denver Nuggets
Toronto Raptors 125 – 113 Charlotte Hornets
Washington Wizards 115 – 116 Los Angeles Clippers
Houston Rockets 104 – 134 San Antonio Spurs
Portland Trail Blazers 107 – 109 Minnesota Timberëolves
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
