“E kemi ftuar Rusinë dhe gjithë aleatët e NATO-s, për të mbajtur diskutime e për të gjetur zgjidhje politike. Por, gjithçka varet nga vullneti i gjithsecilit”.
Sekretari i Përgjithshëm i aleancës më të madhe ushtarake në botë, NATO, Jens Stoltenberg, ka deklaruar në një prezantim për mediat se një përgjigje me shkrim i është dërguar Rusisë mbi zhvillimet e fundit në kufirin me Ukrainën.
Sipas Stoltenberg, zgjidhja politike dhe paqësore, është ajo çfarë i shkon për shkak NATO-s. Nga ana e aleancës nuk kërkohet një konfrontim direkt dhe zgjidhja e tillë, është opsioni më i mirë për të gjithë.
Pavarësisht kësaj, vendet anëtare të NATO-s janë gati nëse forcat ruse nuk sprapsen dhe konflikti përshkallëzohen. Por, ndryshe nga 100 mijë trupat që Moska ka vendosur në kufi, NATO-ja ka vetëm 5 mijë ushtarë të gatshëm, për t’u nisur menjëherë në luftë.
Sakaq, sipas Stoltenberg, një grup tjetër është në gatishmëri po ashtu, në rast rreziku.
Sekretari i Përgjithshëm ka nënvizuar faktin se të gjithë aleatët, janë në një linjë me propozimet që i janë dhënë Rusisë. Këtu, përfshihet edhe Gjermania, e cila ka mbetur në heshtje sa i përket çështjes.
Ndër propozimet, flitet edhe për të ardhmen e Ukrainës në NATO.
Kremlini, kërkon që të garantohet se Kievi nuk do të jetë pjesë e aleancës, pavarësisht kërkesave të vazhdueshme. Mirëpo, nga ana tjetër, një gjë e tillë nuk është e negociueshme mbi parimin se çdo vend merr vendimet e veta.
“Ne jemi të gatshëm t’i dëgjojmë shqetësimet e rusëve”, shkruhet në deklaratë. “Por, nga ana tjetër, nuk do të bëjmë kompromis me asnjë kërkesë që bie ndesh me të drejtat e aleatëve”.
Gjithsesi, këto propozime nuk i shkojnë shumë për shtat Rusisë, me sa është lënë të kuptohet nga Moska.
Kërkesat e tyre janë të larta, duke përfshirë largimin e trupave të NATO-s nga vendet kufitare me të dhe mohimin e anëtarësisë në aleancë për vende si Ukraina apo Gjeorgjia – ku edhe Kremlini ka pretendime territoriale.
Teksa tensioni i situatës ka mbërritur në pikun më të lartë, duke dhënë hijet e një lufte të mundshme. Luftë, e cila nëse nis, mund të marrë përmasa të asaj të Dytë Botërore, me shumë vende të përfshira në fushëbetejë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Konjufca: Serbia ishte e vendosur për të shfarosur këdo që ishte shqiptar
-
Përmbyllen punimet për projektligjin e KPK-së, Haxhiu: Synojmë përbërje të balancuar mes prokurorëve
-
Italia, BE dhe SHBA dënojnë dhunën në protestën para Bashkisë së Tiranës
-
SHBA bën thirrje për de-përshkallëzim pasi zyrtarët thonë se raketa izraelite godet Iranin
Lajmet kryesore
-
Italia, BE dhe SHBA dënojnë dhunën në protestën para Bashkisë së Tiranës
-
Begaj vizitë në Urdhrin Sovran të Maltës, vlerësoi marrëdhëniet dypalëshe 30-vjeçare
-
Themelimi i Asociacionit është urgjencë, dështimi nënkupton pasoja, thotë BE në 11-vjetorin e marrëveshjes
-
Hoti, Kurtit: Marrëveshja e 2015 ka siguruar dërgimin në Kushtetuese të Asociacionit, e jotja autonomi për serbët