Natë dramatike në Europa ligë

Ndeshjet e para të çerekfinales së Europa Ligës ishin shumë interesante.

Derbi mes Ajax dhe Roma ishte ndeshja më dramatike e cila u mbyll me fitoren e Romës në minutat e fundit të ndeshjes.

Roma fitoi ndeshjen me rezultat 1:2, ku po ashtu kanë edhe epërsinë e golit të mysafirit.

Ndeshjen e hapi mesfushori Davy Klaassen i cili i dha epërsinë Ajaxit për rezultatin 1:0 në pjesën e parë.

Pjesa e dytë e lojës filloi me penalti për Ajaxin në minutën e 53-të të cilën e humbi Dusan Tadic.

Pas vetëm katër minutash, holandezët i ndëshkoi Lorenzo Pellegrini për ta barazuar rezultatin.

Në minutën e 87-të braziliani Ibanez shënoi golin e dytë për t’i dhënë fitoren Romës.

Ndeshja tjetër e çerekfinales mes Manchester United dhe Granadës përfundoi me fitore 2:0 të djajve të kuq.

Manchester United filluan ndeshjen me formacion ndryshe nga i zakonshmi ku filluan me Mason Greenwood si sulmues qëndror.

Në minutën e 31-të, Marcus Rashford hapi ndeshjen me golin e parë duke i dhënë epërsinë në pjesën e parë.

Anglezët dominuan gjithë ndeshjen ku gjetën edhe golin e dytë për të thelluar epërsinë në 2:0, me anë të Bruno Fernandes nga pika e penaltisë.

Po ashtu edhe ndeshja mes Arsenal dhe Slavia Prague përfundoi me dramë në stadiumin e Emirates.

Ky duel ishte i baraspeshuar nga fillimi deri në fund ku përfundoi me rezultat 1:1.

Ndeshja u hap me golin e Nicolas Pepe në minutën e 86-të ku i dha epërsinë Arsenal.

Ekipi londinez menduan se fituan ndeshjen, por këtë ia u bëri të pamundur mbrojtësi Tomas Holes i cili shënoi për ta barazuar rezultatin në minutën e 94-të.

Po ashtu ndeshja mes Dinamo Zagreb dhe Villareal u mbyll me fitoren e këtyre të fundit me rezultat minimal 1:0 të cilin gol e shënoi Gerard Moreno nga pika e penaltisë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.