Skuadra e Napoli-t nuk di për asgjë tjetër pos fitores këtë sezon në Serie A.
Në ndeshjen përballë Torino-s, ata treguan se dijnë edhe të vuajnë por të gjejnë fitoren në ato rrethana.
Në “Diego Armando Maradona Stadium”, skuadra e Luciano Spalletti-t iu afrua shumë golit, por atë e gjeti vetëm një herë në minutin e 81-të.
Fillimisht ishte Lorenzo Insigne ai që kishte mundësine e parë.
Në minutën e 27-të, ai gaboi nga 11 metra duke e humbur penalltinë dhe rastin për epërsi.
30 minuta më vonë, Napoli e gjeti rrugën e rrjetës me anë të golit nga Di Lorenzo, por VAR mendoi ndryshe.
Goli u anulua për pozicion jashtë loje pas rishikimit me teknologji.
Napoli vazhdoi përpara dhe nuk u dorëzua deri në fund.
Mundi i tyre u shpërblye në minutën e 81-të, me anë të të përhershmit Victor Osimhen, që shënoi golin për tre pikët.
Pas tetë ndeshjesh, Napoli ka tetë fitore dhe 24 pikë, duke e udhëhequr bindshëm kampionatin Italian.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti kërkon nga Baerbock vazhdimin e mbështetjes së Gjermanisë për anëtarësimin e Kosovës në KiE
