Sport

Nagelsmann për Davies: Ndoshta tashmë është një nga mbrojtësit e majtë më të mirë në botë


Trajneri i Bayern Munich-ut, Julian Nagelsmann, ka thurur lavde për mbrojtësin e majtë të bavarezëve, Alphonso Davies-in.

Në një intervistë për “Kicker”, trajneri tha se “ndoshta” ai mund të jetë ndër më të mirët në botë në rolin e tij.

“Phonzie po zhvillohet shumë mirë. Duhet të lejosh që një lojtar në moshën e tij të ketë luhatje në nivelet e performancës. Kjo sigurisht do të jetë kështu dhe për vitin tjetër”, tha Nagelsmann-i.

“Ai ka parakushtet fizike për të qenë një nga mbrojtësit më të mirë të majtë. Ai ndoshta tashmë është. Nuk ka aq shumë në nivelin e tij në pozicionin e tij”, shtoi tekniku gjerman.

Kanadezi ka bërë 15 paraqitje me Bayern-in këtë sezon, ku ka dhuruar pesë asiste.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.

/Albanianpost.com


Lajmet kryesore