Nagavci kundër Gjykatës Kushtetuese: Nuk është trajtuar e drejta e fëmijëve për shkollim në Kamenicë

Ministrja e Arsimit Arbërie Nagavci, ka thënë se Gjykata Kushtetuese nuk e trajtoi të drejtën kushtetuese të fëmijëve për shkollim, pasi organi më i lartë i shtetit rrëzoi vendimin e MASHT-it për organizimin e shkollave, duke thënë se nuk ka qenë kompetencë e kësaj ministrie dhe se me këtë vendim është cenuar përgjegjësia komunale.
“Gjykata i trajton çështjet sipas kërkesave të parashtruesit, dhe kërkesa e ish-kryetarit të Kamenicës ka qenë pyetja eksplicite se a ka ndërhyrë Ministria e Arsimit në kompetencat e Komunës. Përtej aspektit formal, a është ndërhyrje në kompetencë të komunës, nuk është trajtuar në asnjë mënyrë e drejta kushtetuese e fëmijëve për shkollim”, tha Nagavci në Kanal 10.

Anëtari i Partisë Socialdemokrate, madje ka përgatitur edhe letrën e dorëheqjes së ministres, duke ia lënë atë te dera e zyrës.
“Gjykata Kushtetuese ka konstatuar se Nagavci e ka shkelur tri prej dokumenteve më të rëndësishme në Kosovë, e para e ka shkelur kushtetutën e dyta e ka shkelur kartën evropiane për qeverisje lokale dhe e treta ligjin për vetëqeverisje lokale”.
Nagavci sipas Kastratit ka arritur ta shtrembërojë vullnetin e qytetarëve të një komune duke cenuar kështu në mënyrë të drejtpërdrejtë kompetencat e Komunës në fjal.
“Në Kosovë është ndërtuar një precedent se kur shkelet kushtetua të gjithë kanë reflektuar, Nagavci duhet të shkarkohet ose duhet të jep dorëheqje”, ka shtuar ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Konjufca: Pakënaqësia ime me marrëveshjen, s’e ka njohjen reciproke
-
Nis gjyqi kundër Gwyneth Paltrow për aksidentin e vitit 2016 në Deer Valley Resort
-
Socialistëve iu ndalohen 5 aktivitete, “abuzim me fondet shtetërore për qëllime elektorale”
-
Vela: Serbia po e shkel marrëveshjen, sanksionet duhet të pasojnë