Pak ditë më parë, Alexander Zverev e eliminoi Nadal-in në çerekfinalet e Madrid Open.
Dyshja u ndeshën përsëri sot, më 14 maj, në masters-in e Romës.
Spanjolli ia ktheu me të njëjtën monedhë Zverev-it në fushat italiane.
Pikërisht në fazën çerekfinale, Nadal fitoi 2-0 me sete (6-3, 6-4).
Në një ndeshje shumë interesante, Nadal u ndihmua edhe nga fati, duke i anuluar plot tetë “pikë thyese” të Zverev-it, i cili nuk arriti ta thyente spanjollin në asnjërën nga servat e tij.
Në anën tjetër, Nadal-i e theu gjermanin dy herë në setin e parë dhe njëherë në të dytin.
“Mbreti i dheut” do të përballet në gjysmëfinale me Reilly Opelka-n.
Dueli do të zhvillohet nesër, me Nadal-it që do të tentojë titullin ATP 1000.
Një fitore në Romë dhe një triumf në Grand Slam-in e preferuar të French Open, do ta ngjiste Rafael Nadal-in përsëri si numrin 1 në botë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Asambleja Parlamentare e KiE-së voton pro anëtarësimit të Kosovës
-
Votimi pro Kosovës në Asamblenë Parlamentare në KiE, Kurti: Fiton demokracia dhe të drejtat e njeriut
-
Pas përgjigjes iraniane, Hezbollahu po përgatitet për të gjithë skenarët
-
Miratohet nga Komisioni i Senatit kandidatura e David Kostelancik për ambasador të SHBA-ve në Tiranë
