Ministri i Financave në Republikën e Maqedonisë së Veriut (RMV), Fatmir Besimi, zhvilloi një takim gjatë ditës së enjte, më 25 shkurt, me Komisionerin për Fqinjësi dhe Zgjerim të Bashkimitt Evropian (BE), Oliver Varhelyi. Ku diskutuan për Planin Ekonomik dhe për krijimin e Tregut të Përbashkët Rajonal.
Besimi deklaroi se në kuadër të planit ekonomik investues të BE-së, RMV-ja do të aplikojë për mbështetje teknike dhe grante në projekte infrastrukturore.
“Të udhëhequr nga Plani ekonomik investues i BE-së, e rishikuam listën e vetme të projekteve duke vendosur prioritete ndërmjet projekteve kryesore infrastrukturore”.
Në qendër të projekteve infrastrukturore, Besimi përmendi financimin për aksin hekurudhor të korridorit të tetë, Kriva Pallankë-Deve Bair.
Plani ekonomik investues i BE-së ka një grant prej 9 miliardë euro-ve për vendet e Ballkanit Perëndimor. Gjithashtu pritet që këto investime të arrijnë vlerën prej 20 miliardë euro-ve investime të tjera shtesë.
Sipas këtij plani ekonomik, BE-ja mundëson rimëkëmbjen nga kriza të vendeve në Ballkanin Perëndimor.
Ministri theksoi faktin se RMV-ja është e përkushtuar të shfrytëzojë fondet e Instrumentit për Ndihmën e Para-Anëtarësimit (IPA). Duke shfrytëzuar projektet IPA në të mirë të vendit.
Përsa i përket krijimit të Tregut Rajonal të Përbashkët, Besimi tha se kjo do të rrisë ekonominë e vendeve të Ballkanit Perëndimor. Dhe kjo do të jetë një rrugë drejt tregut të përbashkët të BE-së.
Të dyja palët theksuan rëndësinë e integrimit të vendeve të Ballkanit në BE. Këto vendeve kanë një rëndësi të veçante për stabilititein dhe sigurinë në Evropë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Konfiskohen pesë armë zjarri në Zveçan
-
“U shkarkova nga kryetari i instaluar nga Beogradi”, djali i axhës së Prindon Sadriut shkarkohet nga pozita e drejtorit të teatrit të Preshevës
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
-
Vijojnë protestat studentore pro-palestineze në universitetet amerikane, me dhjetëra të arrestuar
Lajmet kryesore
-
Rama ‘letër publike’ Ranuccit: Hodhët një tjetër hap fals, fatkeqësi që bëni krahasime me Kremlinin
-
Politico: Rreziku që vjen me zgjedhjen e Belerit si kandidat për zgjedhjet Evropiane
-
Lufta në Ukrainë: Amerika i jep fshehurazi Kievit raketa me rreze të gjatë veprimi
-
Bislimi e Petkoviç sërish në Bruksel për dinarin