Ministri i Financave, Punës dhe Transfereve, Hekuran Murati, pretendimet e opozitës se qeveria po bllokon buxhetet komunale, i ka quajtur “shpifje” dhe të “pavërteta”.
Ai përmes një postimi në rrjetin e tij social Facebook, tha se buxheti i ndarë nga MFPT për vitin 2023 paraqet “rekord” krahasuar me vitet e kaluara.
“Për vitin 2023, buxheti që do t’u ndahet komunave është për 15% më i lartë sesa buxheti i vitit 2022. Kjo është rritja më e madhe vjetore që ka ndodhur ndonjëherë, dhe vjen falë përformancës së mirë në rritjen e të hyrave në buxhetin e shtetit”.
Ministri njoftoi se 654 milion euro do të jenë në dispozicion të komunave, të cilat do të ofrojnë më shumë shërbime qytetarëve.
Tutje, ai siguroi që çdo komunë, “për vitin aktual ka buxhetin e miratuar dhe mund të ekzekutojë pagesat pa asnjë problem”.
Në fund, Murati shtoi se ata që nuk marrin vesh nga qarkorja buxhetore, kanë pretendime të tilla për bllokimin e buxheteve komunale.
“Ndërsa qarkorja buxhetore për vitin 2023 ndahet me kohë, dhe çdoherë brenda afateve që parashihen me legjislacion. Vetëm dikush që nuk merr vesh fare në procesin buxhetor, mund të pretendojë se qarkoret për vitin 2023 po bllokojnë investimet në vitin 2022”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Dortmundi dhe PSG të jashtëzakonshëm, përmbysin rezultatet dhe kualifikohen në gjysmëfinale
-
Draghi: Për BE-në do të propozoj ndryshime rrënjësore, Evropa duhet të veprojë së bashku si kurrë më parë
-
Daçiç: “Ditë turpi për Asamblenë Parlamentare të KiE-së”
-
Në Bregun Perëndimor të mbingarkuar nga kriza, dhuna dhe varfëria janë në rritje
Lajmet kryesore
-
Asambleja Parlamentare e KiE-së voton pro anëtarësimit të Kosovës
-
Votimi pro Kosovës në Asamblenë Parlamentare në KiE, Kurti: Fiton demokracia dhe të drejtat e njeriut
-
Pas përgjigjes iraniane, Hezbollahu po përgatitet për të gjithë skenarët
-
Miratohet nga Komisioni i Senatit kandidatura e David Kostelancik për ambasador të SHBA-ve në Tiranë
