Sport

Mourinho flet para finales: Me tifozët kemi ndjeshmëri që shkon përtej rezultateve


Trajneri i Roma-s, Jose Mourinho, ka folur para sfidës finaliste në Conference League, të cilën do e ketë përballë Feyenoord-it.

Portugezi foli në podcast “Soccerbible”, rreth eksperiencës dhe mikpritjes që i kanë bërë tifozët që nga 4 maj 2021. Për “Special One” u përmend edhe kupa që do të luhet nesër në Tiranë.

“Kur arritëm në gjysmëfinale e kuptova se sa e rëndësishme ishte. Tifozët dhe stadiumi e prisnin këtë moment”, tha Mourinho.

“Ata janë një popull dhe qytet i veçantë dhe meritojnë njerëz të veçantë që e vënë veten në shërbim të tyre”.

“E them të veçantë sepse na përfshijnë në emocionet e tyre, i kuptojmë dhe bëhemi pjesë e tyre. Ne kemi krijuar një ndjeshmëri që shkon përtej rezultateve”, përfundoi portugezi.

/Albanianpost.com

Lajmet kryesore