Është hera e dytë që Kryeministri i Shqipërisë, Edi Rama, vjen në Kosovë, por që homologu i tij Albin Kurti, nuk e pret në takim. Për ish-ministrin e Punëve të Jashtme të Kosovës, Petrit Selimi, refuzimi që Kurti ia ka bërë Ramës, nuk mund të konsiderohet si asgjë tjetër përveç se “qesharake”.
“Tradita jonë, e lëre më interesi ynë kombëtar, kërkon që kryeministri ynë të jetë një mikpritës i vizitorëve”, ka shkruar ai në platformën sociale, X.
Në vlerësimin e Selimi Qeveria e Kosovës në 25 vjetorin e çlirimit të Kosovës nuk ka bërë asgjë për të bashkuar shqiptarët në rajon.
“Kryetari i Këshillit Kombëtar Shqiptar në Preshevë, Ragmi Mustafa paralajmëron Kurtin që të mos përzihet më tej në politikë atje. Vetë ministri i mjedisit i Kurtit akuzon kryeministrin se po përçan shqiptarët atje. Kjo është tragjike”, ka konsideruar ai.
“Shqiptarët në Maqedoninë e Veriut luajtën një rol të madh në përpjekjet tona të luftës. Ali Ahmeti ishte një nga baballarët themelues të UÇK-së. Kryeministri i Kosovës ka dobësuar – jo bashkuar – shqiptarët atje, të cilët tani kanë një rol të vogël në politikën maqedonase, për shkak të ndikimit përçarës nga Kosova”, ka shtuar ai.
Ndryshe, Kurti, ka thënë se raportet me homologun nga Shqipëria, Edi Rama, i ka të mira, ndonëse nuk e takoi të hënën, gjatë vizitës së këtij të fundit në Prishtinë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mexhiti: Po punojmë çdo ditë që ish ushtari i UÇK-së të lirohet
-
LDK-ja pranon ftesën e Osmanit për diskutimin e datës së zgjedhjeve
-
Elshani për garën e kërcimit në Ujman: Për ne është detyrë, dikush mund ta shoh si provokim
-
KFOR: Kemi patrullime të rregullta në kufirin me Serbinë për siguri dhe stabilitet
