Manchester United nuk do të marrë pjesë sezonin e ardhshëm në UEFA Champions League.
“Djajtë e Kuq” janë zyrtarisht jashtë katërshes së parë në renditjen e Premier League.
Moskualifikimi në Champions do të thotë që financat për transferime të reja do të jenë të ulura ndjeshëm për United, raporton britanikja “The Sun”.
Trajneri i ri, Erik ten Hag, nuk do të ketë në dispozicion para mjaftueshëm për të ndertuar ekipin. Dhe, në këtë pikë, United po synon të transferojë lojtarë, të cilët dalin me parametra zero në verë.
Yjet si Paulo Dybala te Juventus dhe Ousmane Dembele te Barcelona janë emra tërheqës për të përforcuar skuadrën e United.
Dybala, ndërkohë, ka konfirmuar se do të largohet nga gjiganti italian, por Dembele duket se tani është i hapur për të qëndruar te Barcelona.
Raportet e fundit sugjerojnë se francezi mund të shkurtojë kërkesat e tij për pagën, në mënyrë që të arrijë një marrëveshje me klubin katalanas.
Emra të tjerë të shquar me kontrata në skadencë përfshijnë Franck Kessie te Milan, Isco te Real Madrid dhe Christian Eriksen te Brentford.
Gjithashtu një numër i konsiderueshëm lojtarësh do të largohen si transferime të lira nga United këtë vere, ku përfshihet Edinson Cavani, Jesse Lingard, Nemanja Matic dhe Juan Mata.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
