Skuadra e Borussia Monchengladbach ka shkaktuar befasinë e shekullit, duke mposhtur gjigantët e Bayern Munich me rezultat 5:0, në ndeshjen e 1/16-ve të Kupës së Gjermanisë.
Vendasit treguan dhëmbët qysh në fillim të ndeshjes, ku në minutën e dytë Kouadio Kone, shënoi golin e epërsisë.
Derisa kaluan 20 minutat e para të takimit, Gladbach trefishoi epërsinë me dy golat e shënuar nga mesfushori algjerian, Ramy Bensebaini.
Pjesa e parë përfundoi me rezultat 3:0, teksa në të dytën të gjithë menduan se gjiganti bavarez do të rikthehej në lojë, të paktën të barazojë rezultatin.
Por, ishte sulmuesi zviceran, Breel Embolo, i cili realizoi golin për 4:0 në minutën e 51-të, pastaj shtatë minuta më vonë shuajti tërësisht shpresat e bavarezëve, duke shënuar golin e dytë personal në këtë takim, për rezultatin përfundimtar 5:0.
Në takimet tjera, kualifikimin tutje e siguruan edhe Koln, pasi mposhti me rezultat 0:2 Stuttgart-in dhe Hannover fitoi 3:0 ndaj Dusseldorf, ndërsa ndeshja mes Hansa Rostock dhe Regensburg shkoi në vazhdime pasi që përfundoi në barazim 2:2.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
A mund ta përballojë BE-ja zgjerimin me Ukrainën dhe Ballkanin?
-
Tritoli në banesën e gjyqtarit, KLGJ: Kërcënim serioz për gjithë shoqërinë
-
Sa herë që jemi pranë marrëveshjes, ka sabotazh nga të dyja palët: Izraeli dhe Hamasi janë fajtorë, thotë Katari
-
Përkrahja e Kurtit s’i ndihmoi VLEN-it t’i fitojë zgjedhjet, Kasami për AP: Bashkëpunimi do të vazhdojë
